Беларуска-мангольскія дачыненьні

Белару́ска-манго́льскія дачыне́ньні — двухбаковыя міжнародныя дачыненьні Беларусі і Манголіі.

Беларуска-мангольскія дачыненьні

Беларусь	Манголія
Дыпляматычныя місіі
Амбасада Беларусі ў Манголіі	Консульскае агенцтва Манголіі ў Беларусі
Амбасадары
Амбасадар Станіслаў Чапурны	Консульскі агент Саном Цогоо[1]

Мінуўшчына

24 студзеня 1992 году ўрады Беларусі і Манголіі ўсталявалі дыпляматычныя дачыненьні падчас візыту старшыні ўраду Беларусі Вячаслава Кебіча ў Манголію. Першым амбасадарам Манголіі ў Беларусі па сумяшчальніцтве стаў Н.Мішыгдорж, які займаў пасаду да 1994 году. У красавіку 1996 году міністар замежных справаў Беларусі Ўладзімер Сянько наведаў Манголію. У траўні 2001 году міністар замежных справаў Манголіі Лувсангійн Эрдэнэчулуўн(en) наведаў Беларусь. У лістападзе 2004 году консульства Манголіі адкрылі ў Берасьці, адкуль у 2012 годзе перанесьлі ў Менск. 9 кастрычніка 1998 году першым амбасадарам Беларусі ў Манголіі па сумяшчальніцтве стаў Вячаслаў Кузьняцоў. 3—5 верасьня 2013 году старшыня ўраду Беларусі Міхаіл Мясьніковіч упершыню наведаў Манголію, дзе сустрэўся з прэзыдэнтам Цахіягійнам Элбэгдоржам і старшынём ураду Норавынам Алтанхуягам^[2]. 30 чэрвеня 2014 году Амбасаду Беларусі адкрылі ў Манголіі. 6 жніўня 2014 году 1-м амбасадарам Беларусі стаў Станіслаў Чапурны(be).

У 2017 годзе таваразварот Беларусі і Манголіі вырас на 37% да $13,6 млн. Аснову таваразвароту склаў вываз беларускіх тавараў: кар’ерных самазвалаў «БелАЗ» (Жодзіна), ліфтоў «Магілёўліфтмаш», збожжа, трактароў «Менскага трактарнага заводу» і лекаў^[3].

Беларускія амбасадары

• Вячаслаў Кузьняцоў (1998—2000)
• Віктар Бура (2011—2016)
• Станіслаў Чапурны(be) (2016—2021)
• Зьміцер Гарэлік(be) (з 18 чэрвеня 2021 году)^[4]