Беларусь 5

«Беларусь 5» — спэцыялізаваны спартовы тэлеканал Белтэлерадыёкампаніі, заснаваны ў 2013 годзе. Вядзе паказ беларускіх, эўрапейскіх і сусьветных першынстваў у розных відах спорту: гандбол (чэмпіянаты Беларусі па футболе, хакеі і гандболе), тэніс (турніры «Вялікага шлема»), футбол (Ліга Чэмпіёнаў, чэмпіянат Беларусі па футболе) і хакей (Кантынэнтальная хакейная ліга, чэмпіянат Беларусі па хакеі)^[2]. Канал трансьлюе Прэм’ер-Лігу Ангельшчыны^[3]. У 2019 годзе таксама быў паказаны Чэмпіянат Эўропы па фігурным катаньні^[4]. Падчас буйных спартовых мерапрыемстваў (Алімпійскіх^[5] і Эўрапейскіх гульняў) канал працуе 24 гадзіны штодня. Першапачаткова трансьляцыя вялася толькі ў Менску^[6]. Потым канал стаў адным з агульнанацыянальных^[7]. 1 сьнежня 2013 году канал быў дададзены да аналягавага пакета вяшчаньня МТІС^[8]. Канал забясьпечвае асьвятленьне дзяржаўнай інфармацыйнай палітыкі ў галіне спартыўнага жыцьця Рэспублікі Беларусь і фарміраваньне здаровага ладу жыцьця беларускага грамадзтва^[9]. Спартовыя камэнтатары ды вядоўцы: Аляксандар Цьвячкоўскі (футбол, хакей, гандбол, валейбол), Сяргей Мацкевіч (футбол, валейбол, тэніс, лёгкая атлетыка), Дарына Запольская (тэніс, мастацкая гімнастыка, фігурнае катаньне, фрыстайл ды іншыя віды спорту), Павал Баранаў (футбол, бокс)^[10][6], Андрэй Казлоў (валейбол), Крысьціна Захарава (ад 2015)^[11], Ганна Куракіна (ад 2015)^[12], Ганна Кузьміч (ад 2017)^[13], Юрый Вайцянкоў (ад красавіка 2019)^[14], Алег Завадзкі (тэніс, футбол, сучаснае пяціборства)^[15], Ільля Бакай (футбол, футзал, тэніс, гандбол ды іншыя віды спорту)^[16], Міхаіл Летуноў (футбол)^[17], Генадзій Салавей (футбол)^[18], Фёдар Прошкін (футбол, хакей, біятлон, лёгкая атлетыка, плаваньне, лыжныя гонкі ды інш.)^[19], Майя Лыкава (ад 2014)^[20]. У 2017 годзе прэзыдэнт Беларусі выступіў з крытыкай якасьці канала^[21]. 1 кастрычніка 2018 году распачалася трансьляцыя асобнага канала «Беларусь 5. Інтэрнэт»^[22]. У 2022 годзе тэлеканал пачаў трансьляцыі Ля Лігі^[23]. У 2023 годзе распачала працу інтэрнэт-старонка sport5.by^[24]

Беларусь 5
Краіна	Беларусь
Зона вяшчаньня	Беларусь
Дата стварэньня	21 кастрычніка 2013
Заснавальнік	Белтэлерадыёкампанія
Уладальнік	Белтэлерадыёкампанія
Кіраўніцтва	Павал Булацкі[1]
Слоган	Любіце спорт, а мы яго пакажам
sport5.by

Перадачы

• Авэртайм (аўтар Леанід Лекарэвіч, Майя Лыкава, Сяргей Мацкевіч);
• Фактар сілы (аўтар і вядоўца Павал Баранаў);
• ток-шоў На мяжы фолу (Алена Куракіна, Ільля Бакай, Фёдар Прошкін, Генадзій Салавей);
• Хакей для ўсіх (Марыя Багатыр);
• Як гэта было?
• Пра спорт. Вынікі тыдню^[25] (вядоўца Ганна Кузьміч);
• Спорт-цэнтар (Кацярына Грэчная, Майя Лыкава, Кацярына Раманоўская);
• Спартыўныя навіны (Крысьціна Захарава);
• Дзень спорту (вядоўца Андрэй Казлоў, Станіслаў Ліпскі, Ганна Эйсмант);
• Арэна (Андрэй Казлоў, Ганна Эйсмант);
• Спорт-кадр (аўтар і вядоўца Андрэй Казлоў, Мікалай Стула);
• Дай пяць (аўтар і вядоўца Андрэй Казлоў);
• Піт-стоп (Паліна Маліноўская);
• Слэм-данк (Антон Мелешаў);
• Паміж іншым (Ганна Эйсмант);
• На спорце (Ільля Бакай)^[16].