Ганна Эйсмант

Га́нна Міха́йлаўна Э́йсмант — беларуская журналістка.

Вікіпэдыя мае артыкулы пра іншых асобаў з прозьвішчам Эйсмант.

Ганна Эйсмант
Месца нараджэньня	Горадня
Месца вучобы	факультэт журналістыкі Беларускага дзяржаўнага ўнівэрсытэту[d]
Занятак	журналістка

Біяграфія

Нарадзілася ў Гародні. Вучылася на факультэце журналістыкі БДУ па спэцыяльнасьці «Радыё й тэлебачаньне». У 2020 годзе мадэльер Аляксандар Варламаў(be) заявіў, што прыкладна ў 2002 годзе пазнаёміў Ганну Эйсмант з Аляксандрам Лукашэнка на прыватнай вечарыне, што, паводле ягонага сьцьверджаньня, паспрыяла кар’ернаму росту Ганны, ейнага брата й яго жонкі^{[1][2][3][4][5]}.

У 2003 году скончыла БДУ. Працавала на Радыё Рокс, затым стала вядоўцаю спартовых навінаў на каналах Белтэлерадыёкампаніі. Пасьля стала аўтарам тэлефільмаў пра беларускіх спартоўцаў і спартовак. У 2013—2014 гадох ейны фільм пра хакеіста Руслана Салея атрымаў узнагароды Беларускай асацыяцыі спартовага друку й Міжнароднага фэстывалю спартовых фільмаў. У 2017 годзе атрымала ўзнагароду Міжнароднага алімпійскага камітэту «у знак прызнаньня выдатнага ўкладу ў прапаганду й разьвіцьцё ідэяў удзелу жанчынаў і дзяўчатаў у спорце»^[1][1][1][6].

Дачыненьне да забойства Рамана Бандарэнкі

Асноўны артыкул: Раман Бандарэнка

Паводле зьвестак Аб’яднаньня сілавікоў Беларусі, праз атрыманыя аўдыёзапісы і білінг(uk) нумароў мабільных тэлефонаў аб’яднаньню ўдалося дакладна ўсталяваць кола асобаў, якія маюць дачыненьне да забойства менчука Рамана Бандарэнкі, які памёр у шпіталі пасьля таго, як быў зьбіты^[7]. Эйсмант уваходзіць у гэты лік^[8][9].

Сям’я

Брат Іван Эйсмант, старшыня Белтэлерадыёкампаніі. Міліцыянт паводле прафэсіі Іван прыйшоў на тэлебачаньне па пратэкцыі сястры^[10].

У шлюбе, ёсьць дачка Іванка^[11].