Белая Ціса

Белая Ціса (па-ўкраінску: Біла Тиса) — рака ва Ўкраінскіх Карпатах, у Рахаўскім раёне Закарпацкай вобласьці. У месцы зьліцьця Белай і Чорнай Цісаў, за 4 км вышэй цэнтральнай часткі места Рахаў, бярэ пачатак рака Ціса (басэйн Дуная).

Рака

Белая Ціса
Біла Тиса
Вусьце Белай Цісы пры яе зьліцьці з Чорнай Цісаю. Праваруч Белая Ціса
Агульныя зьвесткі
Выток	Паўднёва-заходнія схілы масіву Чарнагора
Вусьце	Ціса
Каардынаты вусьця	48°04′29″ пн. ш. 21°14′41″ у. д.
Краіны басэйну	Украіна Закарпацкая вобласьць Рахаўскі раён
Вобласьці	Закарпацкая вобласьць[1]
Даўжыня	26
Плошча басэйну	489 км²
Нахіл воднай паверхні	10 м/км
Галерэя здымкаў у Вікісховішчы

Даўжыня ракі складае 26 км, плошча басэйну — 489 км². Ухіл ракі — 10 м/км. Даліна V-вобразная, шырыня рэчышча 15-20 м. Ёсьць парогі і быстрыны. Жыўленьне зьмяшанае зь перавагаю дажджавога. На асобных участках рэчышча замацаванае. Бываюць паводкі, часам вельмі разбуральныя. Выкарыстоўваецца для рыбаразьвядзеньня і водазабесьпячэньня.

Белая Ціса ўтвараецца зьліцьцём дзьвюх горных рэчак — Стагавец і Бальзатул, на паўднёва-ўсходніх схілах масіва Чарнагора. Рака цячэ пераважна на ўсход, адлучаючы сабою масіў Чарнагора (на поўначы) ад Рахаўскіх гораў (на поўдні). Упадае ў Цісу на паўночна-ўсходняй частцы места Рахаў.