Бераставіцкі сельсавет

Бераставі́цкі сельсавет — адміністрацыйна-тэрытарыяльная адзінка ў складзе Бераставіцкага раёну Гарадзенскай вобласьці. Адміністрацыйны цэнтар — мястэчка Вялікая Бераставіца (не ўваходзіць у склад савету).

Бераставіцкі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Вялікая Бераставіца
Дата ўтварэньня	19 студзеня 1996
Кіраўнік	Марына Карпуць
Насельніцтва	▲1622 чал. (2019)
Мэдыя-зьвесткі
Дадатковыя мультымэдыйныя матэрыялы

Гісторыя

16 ліпеня 1954 году створаны Ёдзіцкі сельсавет у складзе Бераставіцкага раёну Гарадзенскай вобласьці БССР шляхам аб’яднаньня скасаваных Вялікабераставіцкага і Кулёўскага сельсаветаў^[1]. 11 лютага 1972 году сельсавет скасаваны, населеныя пункты перададзеныя ў падпарадкаваньне Бераставіцкаму пасялковаму савету^[2][3].

19 студзеня 1996 году з часткі Бераставіцкага пасялковага савету створаны Бераставіцкі сельсавет з цэнтрам у гарадзкім пасёлку Вялікая Бераставіца^[4].

18 кастрычніка 2013 году ў склад сельсавету перададзеныя ўсе населеныя пункты — вёскі Бергелі, Вараны, Данілкі, Даўбянкі, Жабры, Жукевічы, Зайкаўшчына, Кавалікі, Каленікі, Канчаны, Карпаўцы, Лісьнявічы, Людзьвінова, Лявонавічы, Пархімаўцы, Пятроўцы, Сінькі, Стары Дворац, Старынцы, Эймінаўцы, хутар Палежыно — ліквідаванага Пархімаўскага сельсавету; вёскі Галынка, Ёдзічы, Клюкоўцы, Кулі, Непарожнеўцы, Паплаўцы перададзеныя зь Бераставіцкага ў Малабераставіцкі сельсавет^[5].