Пятроўцы (Гарадзенская вобласьць)

Пятро́ўцы^[2] — вёска ў Бераставіцкім раёне Гарадзенскай вобласьці. Уваходзіць у склад Бераставіцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Пятроўцы.

Пятроўцы
трансьліт. Piatroŭcy
Краіна:	Беларусь
Вобласьць:	Гарадзенская
Раён:	Бераставіцкі
Сельсавет:	Бераставіцкі
Насельніцтва:	14 чал. (2009)[1]
Часавы пас:	UTC+3
Тэлефонны код:	+375 1511
Нумарны знак:	4
Геаграфічныя каардынаты:	53°15′58″ пн. ш. 23°57′53″ у. д.
Пятроўцы на мапе Беларусі ± Пятроўцы Пятроўцы

Гісторыя

У 1567 годзе гэта паселішча значылася як маёнтак Пятроўшчына — шляхецкае ўладаньне ў Гарадзенскім павеце Вялікага княства Літоўскага. Зь сярэдзіны XIX стагодзьдзя адзначаны як фальварак на мапе Шубэрта, а ў 1890 годзе ўжо лічыліся вёскай, мелі 171 дзесяціну зямлі. Па перапісе 1897 году тут значылася 11 двароў з 82 жыхарамі, у 1905 годзе вёска налічвала 96 жыхароў, а ў 1914 годзе тут пражывала 127 чалавек.

У 1921 годзе ўваходзіла ў склад сельскай гміны Малая Бераставіца Гарадзенскага павету Беластоцкага ваяводзтва. У 1924 годзе яна налічвала 2 двары і 13 душ (4 мужчыны і 9 жанчын).

З восені 1939 годзу ў складзе БССР. Вёска належала да Малабераставіцкага сельсавету Крынкаўскага раёну Беластоцкай вобласьці.

Да 2013 году ўваходзілі ў склад Пархімаўскага сельсавету^[3].

Насельніцтва

• XX стагодзьдзе: 1959 год — 66 чалавек; 1970 год — 54 чалавекі; 1998 год — 11 чалавек і 9 двароў; 1999 год — 18 чалавек
• XXI стагодзьдзе: 2009 год — 14 чалавек^[1]