Браганса-Паўліста

Брага́нса-Паўлі́ста (па-партугальску: Bragança Paulista) — горад у Бразыліі, які месьціцца ў штаце Сан-Паўлу. Паводле зьвестак на 2020 год насельніцтва гораду складала каля 170 тысяч чалавек^[2]. Горад славіцца сваімі традыцыйнымі каўбасамі. Таксама ў горадзе маецца аэрапорт імя Артура Сікейра.

Браганса-Паўліста
Герб Браганса-Паўлісты Сьцяг Браганса-Паўлісты
Краіна:	Бразылія
Штат:	Сан-Паўлу
Плошча:	513,589 км²
Вышыня:	817 м н. у. м.
Насельніцтва:	▲185 688 чал. (1 ліпеня 2025)[1]
Тэлефонны код:	11
Геаграфічныя каардынаты:	22°55′8″ пд. ш. 46°32′33″ з. д.
Браганса-Паўліста на мапе Бразыліі Браганса-Паўліста
Галерэя здымкаў у Вікісховішчы
http://www.braganca.sp.gov.br

Гісторыя

Горад быў закладзены 15 сьнежня 1763 году як паселішча побач зь невялікай капліцай і першапачаткова меў назоў Кансэйсан-ду-Жагуары. Ягоным заснавальнікамі былі Антонію Пірыш Пімэнтэл і ягоная жонка Ігнасія да Сылва Пімэнтэл. Да лютага 1765 году паселішча было афіцыйна зарэгістраванае і крыху зьмяніла сваю назву. У кастрычніку 1767 году яно атрымала статус вёскі, атрымаўшы назву Нова-Браганса, у гонар партугальскага места Брагансы. Да 1856 году вёска сталася горадам.

Спорт

Гонарам места ёсьць футбольны клюб «Рэд Бул Брагантыну», які здабываў перамогу ў лізе штату і займаў высокія радкі ў розыгрышах чэмпіянату Бразыліі.