Брылёўскі летапіс

«Брылёўскі летапіс» — газэта, інфармацыйна-грамадзкі бюлетэнь, выдаецца з 3 траўня 2006 году^[1][2]. Першапачаткова выходзіла накладам у 50 асобнікаў, з 2010 — 99^[3]. Таксама выходзіць у ан-лайн вэрсіі^[4]. Выдаецца ў вёсцы Брылі (Магілёўскага раёну Магілёўскай вобласьці). Заснавальнік і галоўны рэдактар — Мікалай Яцкоў^[5][6].

Брылёўскі летапіс
Тып	газэта
Заснавальнік	Мікалай Яцкоў
Галоўны рэдактар	Мікалай Яцкоў
Заснаваная	травень 2006
Мова	беларуская
Штаб-кватэра	213107, Магілёўскі раён Магілёўскай вобласьці, вёска Брылі, вул. Юбілейная 6-7
Наклад	99
Афіцыйны сайт	kamunikat.org/bryleuski_…

Зьмест

Газэта «Брылёўскі летапіс» выдаецца накладам у 50 асобнікаў памерам у 8 старонак фарматам А-4, з фотаілюстрацыямі. Газэта зьмяшчае нататкі аб тым, што адбываецца ў вёсцы Брылі і ў навакольлі, а таксама ў Магілёўскай вобласьці і краіне (падзеі ў газэце аглядаюцца праз вытрымкі з абласных і нацыянальных газэт). Матэрыялы друкуюцца на мове аўтараў, пераважна па-беларуску.

Рэдактар і выдавец «Брылёўскага летапісу» — Мікалай Яцкоў, загаднік Брылёўскага сельскага Дому культуры і вядомы ў вобласьці кампазытар-песеньнік. М. Яцкоў наладзіў у Брылях вольны канал інфармаваньня землякоў для таго, каб, як ён сам зьвяртаецца да чытачоў у першым нумары:

	…лепш ведаць і разумець гісторыю і сённяшні дзень нашых мясцін… А той, хто ведае мінулае і разумее сёньняшняе, упэўнена крочыць у будучае…
—Мікалай Яцкоў, Беларуская асацыяцыя журналістаў

«Брылёўскі летапіс» — 5-е па ліку выданьне ў Магілёўскім рэгіёне (у якім цяпер няма зарэгістраваных недзяржаўных газэт)^[7].

Літаратура

• Г. Суднік Слова ў абарону «малой» прэсы // «Абажур» : часопіс. — Мн.: Беларуская асацыяцыя журналістаў, 2010. — В. № 2 (84). — С. 38.
• Вёска Брылі на Магілёўшчыне займела сваю газэту : газ.. — Мн.: Наша Ніва, 9 жніўня 2006.