Букчанскі сельсавет

Букча́нскі сельсавет — адміністрацыйна-тэрытарыяльная адзінка ў складзе Лельчыцкага раёну Гомельскай вобласьці. Адміністрацыйны цэнтар — вёска Букча.

Гісторыя

29 жніўня 1919 году створаны ў складзе Тонескай воласьці Мазырскага павету Гомельскай (з 10 жніўня 1920 году — Менскай) губэрні РСФСР (з 1 студзеня 1919 году — Беларускай ССР), з 10 жніўня 1920 году да 17 ліпеня 1924 году — Тонескай воласьці Мазырскага павету Менскай губэрні (да 18 сакавіка 1921 году), з 20 жніўня 1924 году — Тураўскага (з 17 красавіка 1962 году — Лельчыцкага, з 25 сьнежня 1962 году — Мазырскага, з 6 студзеня 1965 году — Лельчыцкага) раёну Мазырскай акругі (ліпень 1924 году — 26 ліпеня 1930 году, 21 чэрвеня 1935 году — 20 лютага 1938 году), з 20 лютага 1938 году — Палескай (з 8 студзеня 1954 году — Гомельскай) вобласьці^[1].

25 сьнежня 1930 году з часткі сельсавету створаны Радзілавіцкі сельсавет.

Насельніцтва

• 1 студзеня 1933 году — 842 жыхары, 167 двароў^[2]

Паводле перапісу 2009 году сельсавет уключае 2 населеныя пункты — вёскі Букча і Карма, насельніцтва складае 669 чалавек^[3], зь іх 99,6 % — беларусы^[4].

Населеныя пункты

• 1 студзеня 1933 году — 19^[2]
• 1 студзеня 1947 году — 3^[5]
• 1 чэрвеня 1955 году — 3^[6]
• 1 студзеня 1964 году — 3^[7]
• 1 студзеня 1968 году — 3^[8]
• 1 студзеня 1974 году — 2^[9]
• 1 студзеня 1981 году — 2^[10]
• 1 студзеня 1986 году — 2^[11]