Бунь

Бунь, Бонь — мужчынскае імя і вытворнае ад яго прозьвішча.

Bun
Паходжаньне
Мова(-ы)	германскія
Іншыя формы
Варыянт(ы)	Бонь
Зьвязаныя імёны	Бунейка, Бунар
Зьвязаныя артыкулы
якія пачынаюцца з «Бунь»

Паходжаньне

Асноўны артыкул: Імёны ліцьвінаў

Бун, Буна або Бона (Bun, Buno, Bono) — імя германскага паходжаньня^[1][2]. Іменная аснова бун- (бон-) паходзіць ад гоцкага bauan 'мяшкаць'^[3] або bundnan 'зьвязваць'^[4]. Сярод ліцьвінаў бытавалі імёны Бунейка (Боніка), Бунар (Бонар, Бунэр, Бонэр). Адзначаліся германскія імёны Bunico (Bonica), Buner (Bonarius).

У Прусіі бытавалі імёны: Bone (1399 год), Bonike^[a] (1431 год), Bonith^[b][6].

Варыянты імя ў гістарычных крыніцах: Bune (15 чэрвеня 1260 году)^[7]; у Деречине… человекъ Буневичь (1518—1522 гады)^[8]; земяне… Юрий Буневичъ, Янъ Буневичъ (1590 год)^[9]; pan Adam Buniewicz z uczesnikami swymi, s panem Mikołajem, s panem Stanisławem Buniewiczami (1621 год)^[10]; Roman Buniewicz (4 красавіка 1657 году)^[11]; Boniewiczowie Piotr i Katarzyna (1696 год)^[12]; testament Piotra Bartłomiejewicza Bunia (1784 год)^[13]; Boniewicz (1794 год)^[14].

Носьбіты

Буні (Buń) — прыгонныя зь вёсак Урцішкаў і Зубковічаў (Ашмянскі павет), якія ўпамінаюцца ў XIX стагодзьдзі^[15].

Буневічы^[16] (Buniewicz) — літоўскія шляхецкія роды зь Лідзкага, Віленскага і Троцкага паветаў^[17][18].

На гістарычнай Амсьціслаўшчыне існуе вёска Боні.

Заўвагі

1. Адзначалася старажытнае германскае імя Bonica^[5]
2. Адзначалася старажытнае германскае імя Bonido^[5]