Бэнджамін Копман

Бэнджамі́н Копман (па-ангельску: Benjamin Kopman; 25 сьнежня 1887 — 4 сьнежня 1965) — беларускі й амэрыканскі мастак і скульптар.

Нарадзіўся ў Віцебску. Скончыў пачатковую школу ў Екацерынаславе. У 1900 годзе паступіў у Школу жывапісу і малюнка Юдэля Пэна ў Віцебску. У 1903 годзе наведаў Парыж, затым пасяліўся ў ЗША і прыняў у 1913 годзе амэрыканскае грамадзянства. Нядоўга навучаўся ў Нацыянальнай акадэміі мастацтваў у Нью-Ёрку.

Пісаў у асноўным фігуры ў інтэр’еры, партрэты і гарадзкія ўскраіны. Маляваў карціны з заўважным гратэскам, часам з элемэнтамі фантастыкі. Займаўся эстампам, ілюстраваў дзіцячыя кнігі, маляваў карыкатуры.

З 1912 году ўдзельнічаў у многіх групавых выставах у ЗША і ўваходзіў у розныя мастацкія аб’яднаньні. У 1929 годзе правёў першую пэрсанальную выставу ў нью-ёрскай галерэі New Art Circle. Неаднойчы атрымоўваў узнагароды па жывапісе і графіцы.

Памёр у горадзе Тынэк каля Нью-Ёрку.

Публічныя зборы

Прадстаўлены ў амэрыканскіх музэях:

• Whitney Museum of American Art / Музэй амэрыканскага мастацтва Ўітні (Нью-Ёрк)
• Butler Institute of American Art (Янгстаўн, Агаё)
• Carnegie Museum of Art (Пітсбург)
• Denver Art Museum (Дэнвэр)
• Detroit Institute of Arts (Дэтройт)
• Fred Jones Jr. Museum of Art, University of Oklahoma (Норман)^[1]
• Frederick R. Weisman Art Museum, University of Minnesota (Мінэапаліс)
• Museum of Fine Arts (Бостан)
• Neuberger Museum of Art
• Pennsylvania Academy of the Fine Arts (Філадэлфія)
• Phillips Collection (Вашынгтон)
• Portland Art Museum (Портлэнд)
• Print Club of Albany
• Smithsonian American Art Museum
• Smithsonian Institution, Hirshhorn Museum and Sculpture Garden
• Syracuse University, University Art Collection (Сыракузы)
• The Museum of Modern Art / MoMA
• University of Arizona, Museum of Art, Tucson, Arizona
• University of Michigan Museum of Art
• Wichita State University, Edwin A. Ulrich Museum of Art