Бяларуцкі сельсавет

Бяла́руцкі сельсавет — адміністрацыйна-тэрытарыяльная адзінка ў складзе Лагойскага раёну Менскай вобласьці. Адміністрацыйны цэнтар — вёска Бяларучы.

Бяларуцкі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Алекшыцы
Дата ўтварэньня	20 жніўня 1924
Насельніцтва	▲1235 чал. (2020)
Мэдыя-зьвесткі
Часавы пас	UTC+03:00
Паштовыя індэксы	223114
Дадатковыя мультымэдыйныя матэрыялы

Гісторыя

Утвораны 20 жніўня 1924 года ў складзе Астрашыцка-Гарадоцкага раёну Менскай акругі БССР. Цэнтар — вёска Беларучча. Пасьля скасаваньня акруговай сыстэмы 26 ліпеня 1930 году ў Астрашыцка-Гарадоцкім раёне БССР. 18 студзеня 1931 году Астрашыцка-Гарадоцкі раён скасаваны, сельсавет далучаны да Лагойскага раёну. З 20 лютага 1938 году ў складзе Менскай вобласьці.

16 ліпеня 1954 году да сельсавету далучана тэрыторыя скасаванага Прудзішчанскага сельсавету^[1].

24 траўня 1960 году ў склад новаўтворанага Лагазінскага сельсавету перададзены 8 населеных пунктаў: Альхавец, Закрынічча, Прудзішча, Рэбрышча, Селішча, Сухая Гара, Сямкова і Тукалаўка^[2].

28 ліпеня 1966 году ў склад сельсавету з Лагазінскага сельсавету вернуты 6 населеных пунктаў: Альхавец, Закрынічча, Прудзішча, Сухая Гара, Сямкова і Тукалаўка^[3].

5 сакавіка 1981 году вёска Беларучча перайменавана ў Бяларучы. Пазьней цэнтар сельсавету перанесены ў вёску Алекшыцы.

Насельніцтва

Насельніцтва сельсавету паводле перапісу 2009 году — 959 чалавек^[4], зь іх 92,2% — беларусы, 5,5% — расейцы, 0,9% — украінцы^[5].