Вадалазы пад дажджом

«Вадала́зы пад дажджо́м» (па-эстонску: Tuukrid vihmas) — чорна-белы анімацыйны фільм эстонца Прыйта Пярна і ягонай жонкі-беларускі Вольгі, выпушчаны ў 2009 року. Стужка стала самым пасьпяховым эстонскім мультфільмам, заваяваўшы 18 узнагарод на розных міжнародных фэстывалях^[1].

Tuukrid vihmas
Жанр	маляваная анімацыя
Рэжысэр	Вольга Пярн Прыйт Пярн
Аўтар сцэнару	Прыйт Пярн
Кампазытар	Горэт Куус
Аніматары	Тарма Ваармэц Мар’е Але Юльле Мэцур Цііна Убар
Апэратар	Вольга Пярн
Гукаапэратар	Горэт Куус
Студыя	Eesti Joonisfilm
Краіна	Эстонія
Працягласьць	23’21”
Прэм’ера	18 лістапада 2009
IMDb	ID 1600455

Сюжэт

Адзін дзень з жыцьця сужэнцаў. Ён працуе вадалазам, Яна — дантыстка ў начным пункце дапамогі. Яны сустракаюцца толькі зранку і ўвечары, каб разьвітацца, бо Яму час ісьці на працу, а Яна хоча спаць пасьля працы.

Над іхнім сьветам — бясконцы шэры дождж…

Узнагароды

• «Залатая абракадабра» 16-га кінафэстывалю «Etiuda&Anima» (Кракаў, Польшча, 2009)
• Прыз «Дон Кіхот» ад Міжнароднай фэдэрацыі кінатаварыстваў на 16-м кінафэстывалі «Etiuda&Anima» (Кракаў, Польшча, 2009)
• Гран-пры міжнароднага фэстывалю анімацыйных фільмаў «Anima» (Брусэль, Бэльгія, 2010)
• Гран-пры міжнароднага фэстывалю анімацыйных фільмаў «Monstra» (Лісабон, Партугалія, 2010)
• Прыз за лепшы саўндтрэк на міжнародным фэстывалі анімацыйных фільмаў «Monstra» (Лісабон, Партугалія, 2010)
• Гран-пры міжнароднага фэстывалю «Animafest Zagreb» (Загрэб, Харватыя, 2010)^[2]
• Прыз места Хірасіма на міжнародным анімацыйным фэстывалі (Хірасіма, Японія, 2010)^[3]
• Прыз за лепшы сцэнар на міжнародным фэстывалі анімацыйных фільмаў «Fantoche» (Бадэн, Швайцарыя, 2010)
• Прыз за лепшы гук на міжнародным фэстывалі анімацыйных фільмаў «Fantoche» (Бадэн, Швайцарыя, 2010)
• «Срэбны воўк» за лепшы кароткамэтражны фільм на фэстывалі новага кіно (Манрэаль, Канада, 2010)
• Гран-пры міжнароднага фэстывалю анімацыйных фільмаў «Tofuzi» (Батумі, Грузія, 2010)^[4]
• Прыз за нардыйскі і балтыйскі фільм на Фрэдрыкстадзкім фэстывалі анімацыйных фільмаў «Fantoche» (Фрэдрыкстад, Нарвэгія, 2010)
• Прыз за лепшы сярэднемэтражны фільм на міжнародным фэстывалі анімацыйных фільмаў «Cinanima» (Эшпінью, Партугалія, 2010)
• Прыз за лепшы сцэнар на фэстывалі «Animated dreams» (Эстонія, 2010)
• Гран-пры міжнароднага фэстывалю анімацыйных фільмаў «Anifest» (Тржэбань, Чэхія, 2011)
• Прыз за лепшы міжнародны кароткамэтражны фільм на міжнародным фэстывалі анімацыйных фільмаў «Anifilm» (Тржэбань, Чэхія, 2011)
• Асаблівая адзнака за лепшую рэжысэрыю на міжнародным фэстывалі анімацыйных фільмаў «Animanima» (Сэрбія, 2011)^[5]
• Гран-пры 18-га міжнароднага фэстывалю «Крок» (Адэса, Украіна, 2011)^[6]