Вадстэнскі замак

Вадстэ́нскі за́мак (па-швэдзку: Vadstena slott) — замак у швэдзкім мястэчку Вадстэна.

Замак
Вадстэнскі замак Vadstena slott
Вадстэнскі замак (выгляд з паўночнага ўсходу)
Краіна	Швэцыя
Месцазнаходжаньне	Вадстэна, лэн Эстэр’ётлянд
Каардынаты	58°26′45″ пн. ш. 14°53′01″ у. д.
Архітэктурны стыль	рэнэсанс
Аўтар праекту	Арэнт дэ Рой[d]
Будаўнік	Арэнт дэ Рой, Ганс Флемінг
Заснавальнік	Густаў Ваза
Дата заснаваньня	1545
Будаваньне	1545—??? гады
Статус	комплекс збудаваньняў у дзяржаўным рэестры[d][1]
Сайт	Афіцыйны сайт
Вадстэнскі замак на мапе Швэцыі Вадстэнскі замак
Вадстэнскі замак на Вікісховішчы

Гісторыя

Замак быў пабудаваны ў 1545 годзе па загадзе караля Густава Вазы, з мэтай абароны Стакгольму ад магчымых нападаў датчанаў і смоляндцаў. У 1552 ён ажаніўся на Катарыне Стэнбак і з гэтай нагоды зладзіў у замку фэст. У 1555 ён зрабіў сваіх чатырох сыноў герцагамі розных частак краіны: герцагу Магнусу дастаўся Эстэр’ётлянд і ў т.л. Вадстэна. Магнус пажадаў перабудаваць замак у палац. Ён валодаў ім да сьмерці ў 1595, нягледзячы на псыхічную хваробу, якая выявілася ў яго ў 1563 годзе. Яшчэ пры жыцьці Магнуса, яго старэйшы брат Юган, які стаў каралём Юганам III, заплянаваў надбудаваць у замку трэці паверх з каралеўскімі залямі, але гэтае будаўніцтва было завершанае толькі пасьля сьмерці Югана, у XVII стагодзьдзі. У сярэдзіне XVII стагодзьдзя каралева Крыстына заснавала ў Вадстэнскім замку адну зь першых у Швэцыі опэраў. Апошняй манаршай асобай, што часам жыла ў гэтым замку, была будучая каралева Ульрыка Элеанора, якую ў 1716 годзе прыехаў наведаць яе брат — Карл XII. Пасьля гэтага каранаваныя асобы канчаткова пакінулі замак. Ён выкарыстоўваўся між іншым, як мануфактура па вышыўцы дамастам і як склад моцных напояў. З 1899 ва ўсходнім крыле замку разьмесьціўся філіял Швэдзкага дзяржаўнага архіву, які знаходзіцца там і дагэтуль. Астатняя частка замку адкрыта для наведвальнікаў.

Галерэя

• 
  Замак узімку
• 
  Від з поўначы
• 
  Від з усходу
• 
  Цэнтральная вежа
• 
  Адна з заляў на трэцім паверсе