Валеры Патароча

Вале́ры Патароча (нар. 16 красавіка 1996 году) — беларускі футбаліст, паўабаронца расейскага «Амкару».

Валеры Патароча
Пэрсанальная інфармацыя
Нарадзіўся	16 красавіка 1996(1996-04-16)[1] (29 гадоў) Козьзе, Дземяхоўскі сельсавет, Рэчыцкі раён, Гомельская вобласьць, Беларусь[2]
Рост	177 см
Вага	75,5 кг[3]
Пазыцыя	паўабаронца
Клюбная інфармацыя
Клюб	Амкар Перм
Клюбы
Гады	Клюб	Гульні (галы)¹
2016	Хімік	15 (3)
2016—2017	Партызан Бардзеёў[d]	26 (2)
2018	Сокал[d]	12 (3)
2018	Смалявічы	4 (0)
2019—2020	Спадарожнік	53 (22)
2021	Дынама Берасьце	8 (0)
2022—2023	Славія Мазыр	31 (4)
2024	Белшына	32 (13)
2025—4	Амкар Перм

Кар’ера

Выхаванец рэчыцкай ДЮСШ-2. Маладым хлопцам трапіў у структуру менскага «Дынама». З 2013 году пачаў выступаць за дубль сталічнага клюбу, а на наступны год замацаваўся ў складзе, аднак да асноўнай каманды не прыцягваўся.

У лютым 2016 году знаходзіўся на праглядзе ў жодзінскім «Тарпэда-БелАЗ», але клюбу не падышоў^[4] і ў выніку пачаў сэзон 2016 году ў складзе шацілавіцкага «Хіміка». У верасьні 2016 году перабраўся ў клюб «Партызан» з другога дывізіёну Славаччыны^[5], дзе спаборнічаў паўтары сэзоны. У першай палове 2018 году гуляў у клюбе чацьвертага дывізіёну Чэхіі «Сокал»^[6]. У жніўні 2018 году вярнуўся ў Беларусь, папоўніўшы склад клюбу «Смалявічы»^[7]. Ня здолеў замацавацца ў асноўнай камадзе ды пачаў часьцей выступаць за дубль.

З студзеня 2019 году пачаў трэнавацца з рэчыцкім «Спадарожнікам» і ў лютым афіцыйна далучыўся да каманды. Здолеў замацавацца ў пачатковым складзе рэчыцкага клюбу. У студзені 2020 году стала вядома, што паўабаронца застаецца ў «Спадарожніку» на сэзон 2020 году^[8]. У гэтым сэзоне быў адным зь лідэраў каманды, стаўны ейным найлепшым бамбардзірам, чым дапамог атрымаць перамогу ў Першай лізе. У студзені 2021 году праходзіў прагляд у расейскай «Тамі», але беспасьпяхова. У лютым далучыўся да берасьцейскага «Дынама» і неўзабаве падпісаў кантракт^[9]. Прапусьціў пачатак сэзону 2021 году праз траўмы. Толькі зь верасьня пачаў выходзіць на поле, а з кастрычніка пачаў гуляць у стартавым складзе.

У студзені 2022 году прыяднаўся да мазырскай «Славіі»^[10]. Замацаваўся ў асноўным складзе мазырчукоў. У сьнежні 2022 году падоўжыў кантракт з «Славіяй»^[11]. Большую частку сэзону 2023 году прапусьціў праз праблемы з здароўем. У сьнежні 2023 году пакінуў мазырскі клюб^[12]. У студзені 2024 году ўзмоцніў склад бабруйскай «Белшыны»^[13]. Стаў лідэрам каманды, набраўшы цягам сэзону Першай лігі 13+16 паводле сыстэмы гол+пас^[14]. У лютым 2025 году быў аб’яўлены як футбаліст расейскага «Амкару»^[15].

Статыстыка

Клюб	Сэзон	Чэмпіянат
		Дывізіён	Матчы	Галы
Смалявічы	2018	Найвышэйшая ліга	4	0