Валоўка

Вало́ўка, Валова, Валуўка — рака ў Беларусі, левы прыток ракі Нёману. Цячэ ў Наваградзкім раёне Гарадзенскай вобласьці. Даўжыня 39 км. Плошча вадазбору 253 км². Выдатак вады ў вусьці 1,7 м³/с. Сярэдні нахіл воднай паверхні 0,7‰.

Рака

Валоўка лац. Vałoŭka
Агульныя зьвесткі
Выток	каля м. Наваградку
Вусьце	Нёман
Краіны басэйну	Беларусь
Вобласьці	Гарадзенская вобласьць
Даўжыня	39 км
Сярэднегадавы сьцёк	1,7 м³/с
Плошча басэйну	253 км²
Нахіл воднай паверхні	0,7 ‰

Асноўныя зьвесткі

Пачынаецца на паўднёвай ускраіне места Наваградку, упадае ў Нёман за 1 км на ўсход ад мястэчка Любчы. Асноўны прыток — рака Оса.

Даліна выразная, у ніжняй плыні зьліваецца з далінай Нёману. Абалона вузкая, двухбаковая, нізінная. Рэчышча зьвілістае, на працягу 5 км каналізаванае (ад вёскі Баярскай да вёскі Асташына)^[1].