Асташына

Аста́шына^[1] — вёска ў Наваградзкім раёне Гарадзенскай вобласьці, у Вераб’евіцкім сельсавеце. Празь вёску цячэ рака Валоўка.

Асташына
трансьліт. Astašyna
Краіна:	Беларусь
Вобласьць:	Гарадзенская
Раён:	Наваградзкі
Сельсавет:	Вераб’евіцкі
Насельніцтва:	120 чал. (2010)
Часавы пас:	UTC+3
Тэлефонны код:	+375 1597
Паштовы індэкс:	231422
СААТА:	4243840041
Нумарны знак:	4
Геаграфічныя каардынаты:	53°41′30″ пн. ш. 26°1′25″ у. д.
Асташына на мапе Беларусі ± Асташына Асташына
Галерэя здымкаў у Вікісховішчы

Гісторыя

Вёска Асташына зьяўляецца найстарэйшай вёскай Наваградзкага раёну. Упершыню яна згадваецца ў дакумэнтах пад 1401 годам, як двор Наваградзкай зямлі, які належаў вялікаму князю літоўскаму Вітаўту і быў падараваны ім свайму брату Жыгімонту.

У сакавіку 1932 году ў вёсцы адбылося паўстаньне сялян супраць памешчыкаў і асаднікаў. Было спалена некалькі маёнткаў і фальваркаў, вызвалены арыштаваныя сяляне. Пасьля прыбыцьця паліцыі ў вёсцы адбылася перастрэлка. Пасьля прадаўленьня выступу 4 селяніны былі павешаныя, 5 атрымалі пажыцьцёвае зьняволеньне і 44 розныя тэрміны вязьніцы.

Насельніцтва

• 2010 год — 120 чалавек
• 2001 год — 250 чалавек
• 1999 год — 243 чалавекі

Інфармацыя для турыстаў

• Млын (XIX ст.)
• Сядзібна-паркавы комплекс (XIX ст.)

Інфраструктура

Уваходзіць у склад аграпрадпрыемства імя Адама Міцкевіча. Працуе клюб, бібліятэка, крама.

Асобы

Стэфан Грабоўскі (1767 — 1847) — вайсковы і дзяржаўны дзяяч, генэрал. Адзін з кіраўнікоў паўстаньня Т. Касьцюшкі.