Валтэры Пуўстынэн

Ва́лтэры Пу́ўстынэн (па-фінску: Valtteri Puustinen; нар. 4 чэрвеня 1999 году) — фінскі хакеіст, правы нападнік клюбу «Пітсбург Пінгвінз» з Нацыянальнай хакейнай лігі.

Валтэры Пуўстынэн
Рост	176 см[1]
Вага	83 кг
Пазыцыя	скрайні нападнік, нападнік
Грамадзянства	Фінляндыя[1]
Дата нараджэньня	4 чэрвеня 1999(1999-06-04)[2][1] (26 гадоў)
Месца нараджэньня	Куопіё, Усходняя Фінляндыя[d], Фінляндыя
Клюб	Пітсбург Пінгвінз
Выступаў за	ХПК Ўілкс-Барэ-Скрэнтан Пінгвінз
Драфт НХЛ	203, 2019 Пітсбург Пінгвінз
Гульнявая кар’ера	2018 — цяпер

Кар’ера

Выхаванец клюбу ХПК^[3]. Свой першы сэзон у складзе асноўнай каманды клюбу правёў у 2018—2019 гадах. У рэгулярным сэзоне згуляў 47 матчы, у якіх закінуў 10 шайбаў^[4]. У 2019 годзе быў задрафтаваны клюбам НХЛ «Пітсбург Пінгвінз» пад агульным 203-м нумарам. Не зважаючы на гэта застаўся ў фінскім клюбе, добра згуляўшы сэзон 2020—2021 гадоў, калі гулец закінуў 21 шайбу і зьздейсьніў 20 галявых перадачаў. У выніку Пуўстынэн быў толькі адным з чатырох хакеістаў у Лійзе, якія зарабілі больш за 20 галоў і перадачаў.

6 траўня 2021 году фін склаў кантракт пачаткоўца на два гады зь «Пітсбург Пінгвінз»^[5]. Перш чым згуляць у НХЛ быў выпраўлены ў фарм-клюб «Ўілкс-Барэ-Скрэнтан Пінгвінз», дзе цягам сэзону закінуў 17 шайбаў. Пазьней быў выкліканы да складу пітсбурцаў, запачаткаваўшы выступы ў НХЛ 11 сакавіка 2022 году ў матчы супраць «Вэгас Голдэн Найтс». У той жа дзень нападнік здабыў свой першы пункт, узяўшы ўдзел у голу Джэфа Картэра. «Пінгвіны» ў той сустрэчы перамаглі зь лікам 5:2^[6]. 20 чэрвеня 2023 году склаў новы аднагадовы двухбаковы кантракт з клюбам^[7]. Сваю першую шайбу закінуў 27 сьнежня 2023 году ў браму «Нью-Ёрк Айлэндэрз» (7:0)^[8].