Валянціна Гапава

Валянцíна Гáпава (3 студзеня 1923, вёска Малая Чэрніца Віцебскага павету Віцебскай губэрні — 14 студзеня 2003, Менск, Беларусь) — літаратуразнаўца, пэдагогіца, перакладніца, дасьледніца беларуска-польскіх і беларуска-расейскіх літаратурных сувязяў, кандыдатка філялягічных навук (1953)^[1].

Валянціна Гапава лац. Valancina Hapava
Дата нараджэньня	3 студзеня 1923
Месца нараджэньня	вёска Малая Чэрніца Віцебскага павету Віцебскай губэрні
Дата сьмерці	14 студзеня 2003
Месца сьмерці	Менск
Месца пахаваньня	Паўночныя могілкі[d]
Месца вучобы	Ленінградзкі ўнівэрсытэт
Занятак	навукоўца, літаратуразнаўца
Навуковая сфэра	Літаратуразнаўства
Месца працы	Інстытут літаратуразнаўства Акадэміі навук Беларусі
Вядомая як	дасьледніца беларуска-польскіх і беларуска-расейскіх літаратурных сувязяў
Навуковая ступень	кандыдатка філялягічных навук (1953)
Дзеці	Алена Гапава[d]

Жыцьцяпіс

Нарадзілася ў вёсцы Малая Чэрніца Віцебскага павету Віцебскай губэрні (у сучасным Віцебскім раёне Віцебскай вобласьці Беларусі)^[2].

Удзельніца абароны Ленінграда ў час Другой сусьветнай вайны ў якасьці мэдсястры. У 1946 годзе скончыла Леніградзкі ўнівэрсытэт і навучалася ў асьпірантуры на катэдры славянскіх літаратураў. З 1949 года выкладала польскую літаратуру ў Ленінградзкім унівэрсытэце, у 1955—1957 гг. расейскую літаратуру ў Менскім пэдагагічным інстытуце. З 1959 году ў Інстытуце літаратуры Акадэміі навук БССР, дзе працавала старэйшай навуковай супрацоўніцай да выхаду на пэнсію ў 1986 годзе^[3].

Выступала ў друку з 1952 году^[4]. Адна з аўтарак «Гісторыі беларускай савецкай літаратуры»^[5].

Публікацыі

• Эліза Ажэшка: жыццё і творчасць, [пер. з рас. мовы У. Дамашэвіч] — Менск: Беларусь, 1969. — 230, [2] с. — На франтыспісе партрэт Э. Ажэшкі.

• Пімен Панчанка (Да 60-годдзя з дня нараджэння), 1979.

• Белорусско-русское поэтическое взаимодействие [Тэкст] / В. И. Гапова. — Минск: Наука и техника, 1979. — 158 с.

• Перачытваючы «Спадчыну» Янкі Купалы // Акадэмія навук БССР, Інстытут літаратуры імя Я. Купалы; [рэд. А. А. Лойка, д-р філал. навук] — Менск: Навука і тэхніка, 1983. — 133 c.