Васіль Тарасенка

Васі́ль Радзіво́навіч Тарасе́нка (7 лістапада 1899, Пётркаў — 7 сьнежня 1972) — беларускі археоляг. Кандыдат гістарычных навук (1947).

Васіль Тарасенка
Дата нараджэньня	26 кастрычніка (7 лістапада) 1899
Месца нараджэньня	Пётркаў Трыбунальскі, Лодзінскае ваяводзтва, Польшча
Дата сьмерці	7 сьнежня 1972(1972-12-07) (73 гады)
Месца вучобы	Маскоўскі археалягічны інстытут[d] (1922) Смаленскі дзяржаўны ўнівэрсытэт[d] (1926)
Занятак	навуковец, прафэсар унівэрсытэту
Навуковая сфэра	археалёгія
Месца працы	Магілёўскі краязнаўчы музэй Магілёўскі дзяржаўны ўнівэрсытэт імя Аркадзя Куляшова Інстытут гісторыі НАН Беларусі БДУ БДПІ
Навуковая ступень	кандыдат гістарычных навук[d][1] (1947)

У 1922 скончыў Маскоўскі археалягічны інстытут, у 1926 — Смаленскі ўнівэрсытэт. Працаваў у Магілёўскім гістарычным музэі, выкладнікам Магілёўскага пэдагагічнага інстытуту. 3 1944 у АН Беларусі, навуковы супрацоўнік, з 1963 загаднік сэктару археалёгіі Інстытуту гісторыі, адначасова выкладнік БДУ і Менскага пэдагагічнага інстытуту.

Дасьледаваў помнікі жалезнага і каменнага вякоў на тэрыторыі Смаленскай і Магілёўскай абласьцей. Вывучаў старажытны Менск, на Замчышчы якога адкрыў драўляную мескую забудову, вулічныя маставыя зь бярвёнаў XI—XIII стст., фундамэнт храма XII стагодзьдзя. Выявіў шмат розных вырабаў мескіх рамесьнікаў, у тым ліку залаты бранзалет. Адзін з аўтараў кніжак «Гісторыя Менску» (1967), «Гісторыя Беларускай ССР» (т. 1, 1972), «Нарысы па археалёгіі Беларусі» (ч. 2, 1972) і інш.