Велікашылавіцкі сельсавет

Велікашы́лавіцкі сельсавет^[a] — былая адміністрацыйна-тэрытарыяльная адзінка ў складзе Слонімскага раёну Гарадзенскай вобласьці.

Адміністрацыйны цэнтар — вёска Вялікія Шылавічы.

Гісторыя

Сельсавет утвораны 7 жніўня 1979 году.

18 верасьня 2013 году сельсавет скасаваны, населеныя пункты перададзены Дзеравянчыцкаму сельсавету^[1].

Населеныя пункты

6 вёсак — Вялікія Шылавічы, Новая Стража, Савічы, Чапялёва, Шылавічы і Якімавічы. Агульнае насельніцтва вёсак — 1310 чалавек.

Геаграфія

Па тэрыторыі сельсавету працякаюць рэкі Шчара і Іса.

Эканоміка

Тэрыторыя складае 6 265 га. Працуюць сельскія гаспадаркі калгаснага тыпу, фэрмэрская гаспадарка «Астравок».

Установы культуры, аховы здароўя, адукацыі, турызму

• Дом культуры
• Два ФАПы
• Велікашылавіцкая сярэдняя школа
• Дашкольная ўстанова ясьлі-дзіцячы садок
• Раённая турысцкая база
• 5 крамаў
• Паштовае аддзяленьне
• Вясковая бібліятэка і інш.

Інфармацыя для турыстаў

Геалягічны помнік каля в. Якімавічы — вялізны камень, які складаецца з двух злучаных паміж сабою валуноў. Даўжыня камня — 3,5 м, шырыня — 3 м, вышыня — каля 3,5 м.

• в. Шылавічы: сьпіртавы завод Пуслоўскіх (пач. 20 ст.)
• в. Вялікія Шылавічы: царква Казанскай іконы Божай маці (пер. пал. 19 ст.)

Заўвагі

1. Састарэлая назва — Вялікашы́лавіцкі сельсавет.