Волка (басэйн Дняпра)

Во́лка — рака ў Беларусі, левы прыток ракі Морачы (басэйн Дняпра). Цячэ ў Слуцкім і Капыльскім раёнах Менскай вобласьці. Даўжыня 35 км. Плошча вадазбору 250 км². Выдатак вады ў вусьці 1,1 м³/с Сярэдні нахіл воднай паверхні 0,4‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Волка.

Рака

Волка лац. Vołka
Агульныя зьвесткі
Выток	каля в. Славіна
Вусьце	Морач
Краіны басэйну	Беларусь
Вобласьці	Менская вобласьць
Даўжыня	35 км
Сярэднегадавы сьцёк	1,1 м³/с
Плошча басэйну	250 км²
Нахіл воднай паверхні	0,4 ‰

Пачынаецца каля вёскі Славіна ў Слуцкім раёне, далей цячэ ў Капыльскім раёне Цэнтральнабярэзінскай раўнінай. Упадае ў Морач за 7 км вышэй за вёску Вялікі Рожан.

Даліна невыразная, месцамі скрынкападобная або трапэцападобная, шырынёй 2—3 км. Абалона двухбаковая, шырынёй 0,5—3 км. Рэчышча на ўсім працягу каналізаванае; шырыня яго 3—8 м. На рацэ плаціны і сажалкі каля вёсак Рахіняў (плошча 3 га) і Сьвідзічаў (плошча 10 га)^[1].