Волма (басэйн Дняпра)

Во́лма — рака ў Беларусі, левы прыток ракі Сьвіслачы (басэйн Дняпра). Цячэ ў Менскай вобласьці. Даўжыня 103 км. Плошча вадазбору 1150 км². Выдатак вады ў вусьці 6,7 м³/с. Сярэдні нахіл воднай паверхні 0,5‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Волма.

Рака

Волма
Агульныя зьвесткі
Выток	каля в. Каралёў Стан
Вусьце	Сьвіслач
Краіны басэйну	Беларусь
Вобласьці	Менская вобласьць
Даўжыня	103 км
Сярэднегадавы сьцёк	6,7 м³/с
Плошча басэйну	1150 км²
Нахіл воднай паверхні	0,5 ‰
Галерэя здымкаў у Вікісховішчы

На рацэ стаяць мястэчка Сьмілавічы і гістарычнае мястэчка Малыя Ляды.

Асноўныя прытокі

• Правыя: Слоўст
• Левыя: Вожа, Ваўмянка Новая, Гаць, Ігуменка

Агульныя зьвесткі

Пачынаецца з мэліярацыйнага каналу каля паўночна-ўсходняй ускраіны вёскі Каралёва Стану Менскага раёну, цячэ Менскім узвышшам і Цэнтральнабярэзінскай раўнінай праз Смалявіцкі, Ігуменскі і Пухавіцкі раёны. Вусьце за 1 км на ўсход ад вёскі Старога Двара Пухавіцкага раёну.

Даліна трапэцападобная, шырынёй 0,4—0,6 км, месцамі больш за 3 км. Схілы спадзістыя і ўмерана стромкія. Абалона на вялікім працягу асушаная і разараная. У вярхоўі зарэгуляваная 4 плацінамі^[1].