Вузьлянка

Вузьля́нка — рака ў Мядзельскім і Вялейскім раёнах Менскай вобласьці, левы прыток ракі Нарачанкі (басэйн Нёману). Даўжыня 53 км. Плошча вадазбору 663 км². Выдатак вады ў вусьці 4,8 м³/с. Сярэдні нахіл воднай паверхні 0,5‰.

Рака

Вузьлянка
Агульныя зьвесткі
Выток	каля в. Мазалеўшчына
Вусьце	Нарачанка
Краіны басэйну	Беларусь
Вобласьці	Менская вобласьць
Даўжыня	53 км
Сярэднегадавы сьцёк	4,8 м³/с
Плошча басэйну	663 км²
Нахіл воднай паверхні	0,5 ‰
Галерэя здымкаў у Вікісховішчы

Асноўныя прытокі

• Левыя: Чорная, Ментынь
• Правыя: Красноўка

Агульныя зьвесткі

Пачынаецца каля вёскі Мазалеўшчына Мядзельскага раёну, вусьце на паўднёвы ўсход ад вёскі Іжа. Даліна ў вярхоўі невыразная, ніжэй трапэцападобная, шырынёй 1—2 км. Абалона ў верхняй плыні разараная, яе шырыня 200—300 м. Ад вытоку да паўночнай ускраіны вёскі Наўры (15 км) рэчышча каналізаванае. Водапрыёмнік мэліярацыйных каналаў. Шырыня рэчышча ў межань ад 8 да 20 м.

На рацэ ў маляўнічых мясьцінах зона адпачынку Вузьлянка^[1].