Вуса (басэйн Дняпра)

Вуса (Уса́) — рака ў Беларусі, правы прыток Бярэзіны (басэйн Дняпра). Цячэ ў Ігуменскім і Бярэзінскім раёнах Менскай вобласьці. Даўжыня 55 км. Плошча вадазбору 549 км². Выдатак вады ў вусьці 3,3 м³/с. Сярэдні нахіл воднай паверхні 0,7 ‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Вуса.

Рака

Вуса
Агульныя зьвесткі
Выток	воз. Дзікае
Вусьце	Бярэзіна
Краіны басэйну	Беларусь
Вобласьці	Менская вобласьць
Даўжыня	55 км
Сярэднегадавы сьцёк	3,3 м³/с
Плошча басэйну	549 км²
Нахіл воднай паверхні	0,7 ‰
Галерэя здымкаў у Вікісховішчы

На рацэ стаіць гістарычнае мястэчка Багушэвічы.

Асноўныя прытокі

• Правыя: Ганутка, Дабрыца
• Левыя: Лешчынка, Карпілаўка, Бусьль

Агульныя зьвесткі

Выцякае з возера Дзікага ў Ігуменскім раёне раёне, вусьце за 1,5 км на ўсход ад вёскі Якшыцаў Бярэзінскага раёну. Цячэ Цэнтральнабярэзінскай раўнінай.

Даліна ў вярхоўі невыразная, у сярэдняй і ніжняй частцы — трапэцападобная, шырынёй 1,5—2 км. Абалона двухбаковая, яе шырыня да 0,2 км, на асобных дзялянках да 1 км. Рэчышча на працягу 9,2 км ад вытоку і 2 км перад вусьцем каналізаванае, на астатнім працягу зьвілістае (шырыня каля 8 м). Берагі ўмерана стромкія, іх вышыня 0,3—1,2 м^[1].