Вялікія Швакшты

Вялі́кія Шва́кшты, Вялікая Шва́кшта — возера ў Пастаўскім раёне Віцебскай вобласьці, у басейне ракі Страчы, за 22 км на паўднёвы захад ад Паставаў, за 8 км на паўночны захад ад возера Нарачы, на мяжы гідралягічнага заказьніка Швакшты^[2].

Возера Вялікія Швакшты Краіна Беларусь Плошча 9,56 км² Плошча вадазбору 94,2 км² Максымальная глыбіня 5,3 м Сярэдняя глыбіня 2,3 м Празрыстасьць 2,5 м Найбольшая даўжыня 4,2 км Найбольшая шырыня 3,4 км Даўжыня берагавой лініі 13,05 км Вышыня над узроўнем мора 175,5 м[1] Аб’ём вады 0,0223 м³ Каардынаты 54°58′5″ пн. ш. 26°34′53″ у. д. Вялікія Швакшты на мапе Беларусі ± Вялікія Швакшты Вялікія Швакшты

Плошча паверхні возера 9,56 км². Даўжыня 4,2 км, найбольшая шырыня 3,4 км. Даўжыня берагавой лініі 13,05 км. Найбольшая глыбіня 5,3 м, сярэдняя 2,3 м. Аб′ём вады ў возеры 22,3 млн м³. Плошча вадазбору 94,2 км².

Катлавіна возера рэшткавага тыпу. Схілы катлавіны спадзістыя, супясчаныя, вышынёй да 6 м, парасьлі хмызьняком, на паўночным усходзе пад лесам. Берагавая лінія слабазьвілістая. Берагі нізкія, вышынёй 0,2—0,3 м, пясчаныя, заходнія берагі тарфяністыя і сплавінныя. Дно плоскае, выслана сапрапелем, уздоўж усходняга берага да глыбіні 2 м пясчанае.

Возера эўтрофнае, слабапраточнае. Упадаюць ручаі (у тым ліку з возера Белагаловага^[1][3]), выцякае пратока ў возера Малыя Швакшты. Шырыня паласы надводнай расьліннасьці да 150 м, харавыя водарасьці ўкрываюць дно да глыбіні 3,5 м.

У возеры водзяцца шчупак звычайны, акунь, плотка, лінь, краснапёрка, гусьцяра, язь і іншыя віды рыб.