Віка Трэнас

Ві́ка Трэ́нас (сапр.: Вікторыя Ляйкоўская; нарадзілася 7 сьнежня 1984 году, Менск) — беларуская паэтка, літаратурны крытык, публіцыст, рэдактар-карэктар, перакладчык, арт-мэнэджар^[1][2]. Піша на беларускай і расейскай мовах.

Віка Трэнас
Асабістыя зьвесткі
Імя пры нараджэньні	Вікторыя Аляксандраўна Ляйкоўская
Псэўданімы	Вікторыя Аляксандрава; ВТ і іншыя
Нарадзілася	7 сьнежня 1984 (40 гадоў) Менск, БССР
Літаратурная дзейнасьць
Род дзейнасьці	пісьменьніца, паэтка, эсэістка, літаратурны рэдактар, журналістка
Мовы	беларуская, расейская
Дэбют	«Наша ніва», 2000
Узнагароды	Блакітны сьвін (2010)
Творы на сайце Kamunikat.org
Віка Трэнас у Вікісховішчы

Біяграфія

Скончыла філялягічны факультэт БДУ (2007), вывучала філязофію і літаратуру ў Беларускім калегіюме (2002—2005). Працавала рэдактарам аддзелу паэзіі часопіса «Маладосць». Была літаратурным аглядальнікам інтэрнэт-выданьня «Новая Эўропа», супрацоўнічала з часопісамі «Паміж», «pARTisan», «Тэксты».

Зь вершамі, эсэістыкай, літаратурнай крытыкай выступае ў пэрыёдыцы з 2000 году («Наша Ніва»). Аўтар лірыкі да песьні «Pustoje Śviatło» гурту «Glofira» са складанкі «Budzma The Best Rock / Budzma The Best Rock/New». Творы перакладаліся на расейскую, нямецкую, баўгарскую, польскую, літоўскую, швэдзкую й францускую мовы.

Бібліяграфія

• «Цуд канфіскаванага дзяцінства» (Менск: Логвінаў, 2005) — зборнік вершаў.
• «Экзыстэнцыйны пэйзаж» (Менск: Галіяфы, 2008) — зборнік вершаў.