Вільгэльм Кінцль

Вільгэльм Кінцль (па-нямецку: Wilhelm Kienzl; 17 студзеня 1857 — 3 кастрычніка 1941) — аўстрыйскі кампазытар.

Вільгэльм Кінцль
Дата нараджэньня	17 студзеня 1857(1857-01-17)[1][2][3][…]
Месца нараджэньня	Вайцэнкірхэн[d], Грыскірхэн[d], Верхняя Аўстрыя, Аўстрыя[4][5]
Дата сьмерці	3 кастрычніка 1941(1941-10-03)[6][7] (84 гады)
Месца сьмерці	Вена, Нямеччына[4]
Месца пахаваньня	Венскія цэнтральныя могілкі[d]
Месца вучобы	Венскі ўнівэрсытэт Ляйпцыская вышэйшая школа музыкы і тэатру[d] Праская кансэрваторыя[d]
Занятак	кампазытар, дырыгент, музыказнаўца, піяніст, біёграф
Жанры	опэра
Бацька	Wilhelm Kienzl[d]
Маці	Nina Kienzl[d]
Узнагароды	ганаровае колца места Вены[d]
Вільгэльм Кінцль у Вікісховішчы

Біяграфія

Кінцль нарадзіўся ў маленькім аўстрыйскім горадзе Вайцэнкірхэн. Ягоная сям’я пераехала ў сталіцу Штырыі ў горад Грац у 1860 годзе, дзе Вільгэльм вывучаўся гульні на скрыпцы пад кіраўніцтвам Ігнаца Ўлям, фартэпіяна пад кіраўніцтвам Ёгана Бува, а таксама навучаўся кампазытарству ў вучня Фрыдэрыка Шапэна Люі Станіслава Март’е дэ Фантэна. З 1874 году Вільгэльм навучаўся кампазыцыі ў Вільгэльма Маера. Кінцль навучаўся музычнай эстэтыцы ў Эдуарда Гансьліка і гісторыі музыцы ў Фрыдрыха фон Гаўсэгера. Пасьля Кінцль паступіў у музычную кансэрваторыю Праскага ўнівэрсытэта. Потым ён навучаўся ў Ляйпцыскай кансэрваторыі ў 1877 годзе, а потым у Ваймары, дзе ягоным настаўнікам быў Фэрэнц Ліст. Далей Кінцль скончыў дактарантуру ў Венскім унівэрсытэце.

У 1879 годзе Кінцль выправіўся ў тур па Эўропе як піяніст і дырыгент. Ён стаў дырэктарам Нямецкае опэры ў Амстэрдаме ў 1883 годзе, але неўзабаве вярнуўся ў Грац, дзе ў 1886 годзе ўзяў на сябе кіраўніцтва кансэрваторыяй. Перад сэзонам 1890—1891 гадоў Вільгэльм быў запрошаны Бэрнгардам Пальіні ў якасьці капэльмайстра ў Гамбурскі гарадзкі тэатар, але ўжо ў сярэдзіне студзеня быў звольнены праз дрэнныя водгукі. Пазьней працаваў дырыгентам у Мюнхэне.

У 1894 годзе Кінцль напісаў сваю трэцюю і найбольш знакамітую опэру «Der Evangelimann». У 1897 годзе пэўны посьпех атрымала ягоная опэра «Дон Кіхот». У 1917 годзе Кінцль пераехаў у Вену, дзе ў 1919 годзе памерла ягоная першая жонка, і а ў 1921 годзе ён ажаніўся з адной зь лібрэтысткай ягоных опэраў.