Віталь Стахіевіч
From Wikipedia, the free encyclopedia
Remove ads
Віталь Стахіевіч (нарадзіўся 9 верасьня 1980, Менск) — беларускі піяніст.
Remove ads
Біяграфія
Навучаўся ў Рэспубліканскім каледжы пры Беларускай дзяржаўнай акадэміі музыкі ад 1993 да 1999 году, у Беларускай дзяржаўнай акадэміі музыкі (1999—2004) і ў Амстэрдамскай Кансэрваторыі (Conservatorium van Amsterdam, Amsterdamse Hogeschool voor de Kunsten) ад 2004 да 2007. Вучань беларускай піяністкі Зоі Качарскай і нарвэскага піяніста Хокана Аўстбё.
Ляўрэат і дыплямант міжнародных конкурсаў у Вільні, Антвэрпэне (Бэльгія), Таранта (Італія), Мар’янскіх Лазьнях (Чэхія); дыплямант нацыянальнага конкурсу ў Нідэрляндах.
Двойчы браў удзел у Менскім Міжнародным конкурсе піяністаў. У 2000 годзе іграў на першым і другім турах, атрымаў дыплём за найлепшае выкананьне абавязковага твору беларускага кампазытара (Ганна Кароткіна. Легенда пра караля Стаха), падзяліўшы яго з двума іншымі ўдзельнікамі. У 2005 годзе прайшоў у фінал і атрымаў дыплём. Ад 2004 году стала жыве ў Нідэрляндах[1].
Remove ads
Дыскаграфія
У 2001 годзе запісаў сольны кампакт-дыск на італьянскай фірме Agora з творамі Франца Шубэрта:
- Экспромт, D964 №1
- 6 Музычных момантаў, D780
- Саната ля мінор, D784
Выконваў партыю фартэпіяна на кампакт-дыску De Sneeuwman, супольны запіс з Аркестрам брусэльскага опэрнага тэатру De Munt.
У 2008 годзе запісаў сольны кампакт-дыск на галяндзкай фірме EDS-Music з творамі Сяргея Пракоф’ева:
- Чацьвертая Саната, тв.29
- Шостая Саната, тв.82
- Сёмая Саната, тв.83
Remove ads
Канцэртнае жыцьцё
Выступаў з Дзяржаўным акадэмічным сымфанічным аркестрам Беларусі, Дзяржаўным камэрным аркестрам Беларусі, Нацыянальным сымфанічным аркестрам Мэксыкі, Эўрапейскім фэстывальным аркестрам (Бэльгія) і Аркестрам брусэльскага опэрнага тэатру De Munt.
Аснову рэпэртуару Віталя Стахіевіча складаюць творы Шубэрта, Шапэна, Ліста, Пракоф’ева, Рахманінава. Выступае з канцэртамі ў Беларусі й за мяжой.
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads