Ганна Сьвятаслаўна

Ганна Сьвятаслаўна (? — 31 жніўня 1418) — вялікая княгіня літоўская, жонка Вітаўта.

Ганна Сьвятаслаўна
Ганна Сьвятаслаўна. Т. Нарбут, каля 1839
Дата нараджэньня	1350-е
Дата сьмерці	31 жніўня 1418
Месца сьмерці	Троцкі астраўны замак, Трокі, Вялікае Княства Літоўскае
Месца пахаваньня	Касьцёл Сьвятых Станіслава і Ўладзіслава
Бацька	Сьвятаслаў Іванавіч[d][1]
Муж	Вітаўт
Дзеці	Соф’я
Ганна Сьвятаслаўна ў Вікісховішчы

Біяграфія

Згодна з найбольш пашыраным меркаваньне была дачкой вялікага князя смаленскага Сьвятаслава Іванавіча (1358—1386)^[2].

Паводле крыжацкага паведамленьня, шлюб Вітаўта і Ганны адбыўся яшчэ пры жыцьці вялікага князя літоўскага Альгерда (памёр у 1377). Відаць, вясельле адбылося ў 1360-я, калі Вітаўт быў удзельным князем берасьцейскім.

У 1382 спрыяла ўцёкам мужа зь вязьніцы, куды яго пасадзіў Ягайла. У 1392 абяцала пры набыцьці Вітаўтам пасады вялікага князя літоўскага, што яе муж выканае ўмовы прысягі, прынесенай ім каралю польскаму Ягайле і Кароне Польскай.

Мела дачку Соф’ю Вітаўтаўну, выдадзеную замуж за вялікага князя маскоўскага Васіля Дзьмітрыевіча, а таксама іншых дзяцей, пэўных зьвестак пра якіх не захавалася.

Пахавалі вялікую княгіню ў Віленскім катэдральным касьцёле.