Гарэт Макліры

Га́рэт Джэймз Маклі́ры (па-ангельску: Garath James McCleary; нар. 15 траўня 1987, Оксфард, Ангельшчына) — ямайскі футбаліст, ўінгер ангельскага клюбу «Ўікам Ўандэрэрз» і нацыянальнай зборнай Ямайкі.

Гарэт Макліры
Пэрсанальная інфармацыя
Нарадзіўся	15 траўня 1987(1987-05-15)[1][2] (38 гадоў) Оксфард, Ангельшчына, Вялікабрытанія
Рост	188 см
Вага	76 кг
Пазыцыя	флянгавы паўабаронца
Клюбная інфармацыя
Клюб	Ўікам Ўандэрэрз[d]
Нумар	12
Клюбы
Гады	Клюб	Гульні (галы)¹
2004—2005	Оксфард Сіці[d]	22 (3)
2005—2007	Слаў Таўн[d]	33 (7)
2007—2008	Бромлі[d]	24 (8)
2008—2012	Нотынггэм Форэст	111 (13)
2012—2020	Рэдынг	242 (23)
2020—4	Ўікам Ўандэрэрз[d]	178 (31)
Зборныя
2013—2016	Ямайка[d]	24 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 26 студзеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 21 лістапада 2016.

Кар’ера

Клюбная

Нарадзіўся ў Ангельшчыне, у горадзе Оксфард, дзе пачаў гуляць за мясцовую каманду «Оксфард Сіці», некаторы час правёўшы ў клюбе «Оксфард Юнайтэд». Далей выступаў за мінорныя клюбы «Слаў Таўн» і «Бромлі». 31 студзеня 2008 году заключыў дамову з клюбам «Нотынггэм Форэст», за які дэбютаваў 3 сакавіка 2008 году, выйшаўшы на замену на 87 хвіліне ў хатнім матчы супраць «Карлайл Юнайтэд» (0:1). У сэзоне 2011—2012 гадоў Макліры забіў 9 галоў.

У траўні 2012 году скасаваў дамову ад нотынггэмскага клюбу і склаў кантракт з клюбам «Рэдынг», які выступаў у Прэм’ер-лізе. У рамках найвышэйшага ангельскага дывізіёну свой першы мяч забіў 27 кастрычніка 2012 году ў браму «Фулгэма» (3:3)^[3].

Міжнародная

У кастрычніку 2012 году быў запрошаны ў склад нацынальнай зборнай Ямайкі, за якую дэбютаваў 6 лютага 2013 году матчам адбору да чэмпіянату сьвету 2014 году супраць зборнай Мэксыкі^[4].