Гелін

Ге́лін^[1] — вёска ў Жлобінскім раёне Гомельскай вобласьці Беларусі. Уваходзіць у склад Папаратнянскага сельсавету. Насельніцтва 71 чал. (2004). Знаходзіцца за 15 км на поўдзень ад места Жлобін, за 10 км ад чыгуначнай станцыі Мормаль (лінія Жлобін — Каленкавічы), за 78 км ад Гомля.

Гелін
Першыя згадкі:	XX ст.
Вобласьць:	Гомельская
Раён:	Жлобінскі
Сельсавет:	Папаратнянскі
Насельніцтва:	71 чал. (2004)
Часавы пас:	UTC+3
Геаграфічныя каардынаты:	52°44′3.1″ пн. ш. 30°0′14″ у. д.
Гелін на мапе Беларусі Гелін

На поўдні мэліярацыйныя каналы.

Гісторыя

Паводле пісьмовых крыніц вядомая з пачатку XX стагодзьдзя як сяліба ў Рагачоўскім павеце Магілёўскай губэрні. У 1930 годзе арганізаваны калгас. У часе нямецка-савецкай вайны ў баях каля вёскі загінулі 488 савецкіх салдатаў і 1 партызан (пахаваны ў брацкай магіле ў калгасным садзе). У лістападзе 1943 годзе — сакавіку 1944 году ў вёсцы разьмяшчаўся палявы шпіталь савецкіх войскаў. На франтах і ў партызанскай барацьбе загінулі 45 жыхароў, у памяць пра іх у 1952 годзе ў цэнтры вёскі ўсталяваная скульптура. У 1962 годзе да вёскі далучаныя пасёлкі Марс, Новая Паляна. У складзе калгасу «Іскра» (цэнтар — вёска Папаратнае).

Насельніцтва

• XX стагодзьдзе: 1925 — 47 двароў; 1959 — 304 жыхары (паводле перапісу)
• XXI стагодзьдзе: 2004 — 34 гаспадаркі, 71 жыхар^[2]

Вядомыя выхадцы

• Хведар Жычка (1927—2007) — беларускі паэт (нарадзіўся ў далучаным пасёлку Марс)