Гемэра

Гемэ́ра (па-старажытнагрэцку: Ἡμέρα, «дзень») — у грэцкай міталёгіі — багіня дзённага сьвятла, якая ўвасабляе дзень, дачка Нікты (Ноч) і Эрэба (Цемры)^[1], сястра й жонка Этэра. Паводле Гігіна, яна нарадзілася з Хаоса й Імглы^[2].

Яе лічылі спадарожніцай Геліёса. Гемэра выкрала Кефала й нарадзіла ад яго Фаэтона (вэрсыя)^[3]. У Алімпіі яе статуя як маці Мемнана^[4] (тут яна спалучана з Эас). Для Гігіна, маці Талясы (ад Этэра).

У рымскім пантэоне Гемэры адпавядае Дыес.