Глінкаўскі раён

Глінкаўскі раён — адміністрацыйна-тэрытарыяльная адзінка ў цэнтральнай частцы Смаленскай вобласьці Расеі. Адміністрацыйны цэнтар — сяло Глінка.

Глінкаўскі раён
Глинковский район
Герб
Агульныя зьвесткі
Краіна	Расея
Статус	раён
Уваходзіць у	Смаленскую вобласьць
Адміністрацыйны цэнтар	Глінка
Дата ўтварэньня	1929
Насельніцтва (2005)	6081
Плошча	1223,2 км²
Вышыня па-над узр. м.  · найвышэйшы пункт  · найніжэйшы пункт	282 м  172 м
Месцазнаходжаньне Глінкаўскага раёну
Мэдыя-зьвесткі
Часавы пас	UTC +3
Тэлефонны код	+7 48165
Код аўтам. нумароў	67
Афіцыйны сайт
Дадатковыя мультымэдыйныя матэрыялы

Геаграфія

Плошча раёну — 1223,2 км².

Тэрытарыяльна раён мяжуе: на паўночным усходзе з Дарагабускім раёнам, на паўночным захадзе з Кардымаўскім раёнам, на паўднёвым захадзе з Пачынкаўскім раёнам, на паўднёвым усходзе з Ельнянскім раёнам.

Разьмяшчаецца ў заходняй частцы Ельнянскага і ўсходняй часткі Пачынкаўскага ўзвышшаў, абмежаваных з паўночнага захаду Верхнедняпроўскай нізінай. Па тэрыторыі раёну цячэ некалькі рэчак: Дняпро — на працягу 30 км, і ягоныя прытокі Устрам — 52 км, Воласьць — 40 км, Бароўка — 17 км, прыток Сажа — Хмара.

Глебы ў раёне дзярнова-падзолістыя. Лясы займаюць 48,2% тэрыторыі.

Гісторыя

Раён быў утвораны ў 1929 годзе на тэрыторыі былых Смаленскага і Ельнянскага паветаў Смаленскай губэрні. У 1961 годзе быў расфармаваны і ўлучаны ў склад Ельнянскага раёну. Адноўлены ў 1980 годзе.

Дэмаграфія

Колькасьць насельніцтва — 6081 чалавек (2005). Усё насельніцтва жыве ў сельскіх умовах.

Адміністрацыйна-тэрытарыяльны падзел

У раёне маецца 6 сельскіх паселішчаў:

• Балтуцінскае сельскае паселішча
• Белахолмскае сельскае паселішча
• Берднікаўскае сельскае паселішча
• Глінкаўскае сельскае паселішча
• Дабромінскае сельскае паселішча
• Рамаданаўскае сельскае паселішча

Транспарт

Аднакалейнай неэлектрафікаваная чыгуначная лінія Смаленск — Сухінічы.

Вонкавыя спасылкі

Глінкаўскі раён — сховішча мультымэдыйных матэрыялаў