Аляксей Ненадавец

Аляксе́й Міха́йлавіч Ненадавец (12 лютага 1958, вёска Чухава, Пінскі раён) — беларускі літаратуразнавец. Доктар філялягічных навук (1995).

Аляксей Ненадавец
Дата нараджэньня	12 лютага 1958(1958-02-12)
Месца нараджэньня	Чухава, Лагішынскі раён, Берасьцейская вобласьць, БССР, СССР
Дата сьмерці	28 кастрычніка 2023(2023-10-28) (65 гадоў)
Месца вучобы	Гомельскі дзяржаўны ўнівэрсытэт
Занятак	літаратуразнаўца, літаратурны крытык, этнограф, фальклярыст, прафэсар унівэрсытэту
Навуковая сфэра	літаратурная крытыка[1], этнаграфія[1] і фальклёр[1]
Месца працы	Інстытут мастацтвазнаўства, этнаграфіі і фальклёру Бабруйскі філіял БДЭУ[d] БДЭУ

У 1980 скончыў Гомельскі дзяржаўны ўнівэрсытэт. 3 1992 працаваў ў Інстытуце мастацтвазнаўства, этнаграфіі і фальклёру НАН Беларусі. Дасьледаваў беларускую міталёгію, краязнаўства, фальклёр, узаемасувязі літаратуры зь міталёгіяй, а таксама Меншчыну ў легендах і паданьнях. Пазьней працаваў загадчыкам катэдры грамадзкіх дысцыплін Бабруйскага філіяла БДЭУ, пасьля закрыцьця якога ў 2017 годзе наступныя шэсць гадоў працаваў на катэдры беларускай і рускай моваў БДЭУ. Памёр 28 кастрычніка 2023 году^[2].

Навуковая спадчына

• «Пакланіцеся дубу» (1993)
• «Крэпасць на Бярэзіне»(1993)
• «Святло таямнічага вогнішча» (1993)
• «Каму пакланяліся продкі» (1996)
• «За смугою міфа». — Мн.: Беларуская навука, 1999. — 254 с.
• «Сілаю слова: Чорная і белая магія» (2002).
• Міфалогія. Духоўныя вершы — Мн.: Беларуская навука, 2003 (кніга з сэрыі «Беларускі фальклор: Жанры, віды, паэтыка»).
• Зборнікі легенд аб паходжаньні назваў населенных пунктаў: «Брэстчына» (1995), «Міншчына» (1998), «Гродзеншчына» (1999), «Віцебшчына» (2000), «Гомельшчына» (2001), «Магілёўшчына» (2002).
• Адзін з аўтараў гістарычна-дакумэнтальных хронік «Памяць» Бабруйску і Бабруйскага раёну, выдадзеных адпаведна ў 1995 і 1998, напісаў артыкулы пра фальклор Калінкавіцкага і Брагінскага раёнаў (2002, 2003).

Літаратура

• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.