Віктар Раманцоў

Віктар Анатолевіч Раманцоў (нарадзіўся 20 верасьня 1970, г. Шацілавічы, Гомельская вобласьць) — беларускі журналіст, публіцыст і краязнавец. Сябра Саюзу журналістаў Беларусі. Жыве і працуе ў Шацілавічах.

Віктар Анатолевіч Раманцоў
Род дзейнасьці	журналіст, публіцыст, краязнаўца
Дата нараджэньня	20 верасьня 1970 (54 гады)
Месца нараджэньня	Шацілавічы, Гомельская вобласьць
Грамадзянства	Рэспубліка Беларусь
Месца вучобы	філялягічны факультэт Гомельскага дзяржаўнага ўнівэрсытэту[d]
Занятак	журналіст, этнограф
Бацька	Анатоль Раманцоў

Біяграфія

Скончыў сярэднюю школу № 6 г. Шацілавічаў, Шацілавіцкі індустрыяльны тэхнікум (1989) і філялягічны факультэт Гомельскага дзяржаўнага ўнівэрсытэту імя Францішка Скарыны (1996, філёляг, выкладчык беларускай і расейскай моваў і літаратуры). Служыў у памежных войсках. Працаваў у філіі Нацыянальнага дзяржаўнага гуманітарнага ліцэя імя Якуба Коласа, газэтах «Химики» і «Ранак-плюс», Шацілавічы. Аўтар некалькіх соцень артыкулаў у пэрыядычным друку, некалькіх дзясяткаў эсэ. Жанаты, мае трох дзяцей^[1].

Творчасьць

Удзельнічаў у шацілавіцкім грамадзкім гісторыка-культурным аб’яднаньні «Поўня», у выяўленьні Здудзіцкага каменнага крыжа^[2]. Аўтар ідэі археалягічных раскопак на месцы колішняга гораду Казімер. Адзін з укладальнікаў зборніку матэрыялаў гісторыка-краязнаўчай канфэрэнцыі «Шацілкаўскія чытаньні» ў Шацілавічах (2010)^[3], склаў DVD-дыск пра канфэрэнцыю^[4]. Напісаў кнігу «Зьведаная зямля: Сьветлагоршчына ў пытаньнях і адказах»^[5]. Аўтар дакумэнтальнага фільму «Шацілкі-Сьветлагорск: міты і рэаліі» (2012—2013 гг.)^[6] і дакумэнтальных сэрыялаў «Зьведаная зямля» (2017) і «Казімір: вяртаньне забытага горада» (2017).

Узнагароды і прэміі

• 1998 — ІІІ месца ў шацілавіцкім раённым літаратурным конкурсе «Дэбют» (старшыня жюры — паэт І. Р. Катляроў)^[7].
• 2011 — І месца на літаратурным конкурсе «Літаратурныя дажынкі — 2011» у мястэчку Крэва.

Публікацыі

• Аляксандр Шыманоўскі — этнограф з Чэрніна (да 160-годдзя з дня нараджэння) // Шацілкаўскія чытанні: матэрыялы ІІ гісторыка-краязнаўчай канферэнцыі (да 450-годдзя Шацілак) у Светлагорску, 16 красавіка 2010 г. — Светлагорск, 2011, с. 53 — 58.
• Гібель карабля «Вінніца» — класічная трагедыя ў вайсковым стылі // Тамсама, с. 65 — 71.
• Зведаная зямля. Светлагоршчына ў пытаннях і адказах. Мн., 2011. ISBN 978-985-6906-52-0.