Гордан Шыльдэнфэльд

Гордан Шыльдэнфэльд (па-харвацку: Gordon Schildenfeld; нар. 18 сакавіка 1985 году, Шыбэнік, СФРЮ) — былы харвацкі футбаліст, абаронца. Мае на сваім рахунку матчы ў складзе нацыянальнай зборнай Харватыі.

Гордан Шыльдэнфэльд
Пэрсанальная інфармацыя
Нарадзіўся	18 сакавіка 1985(1985-03-18)[1][2][3][…] (40 гадоў) Шыбэнік, Adriatic Croatia[d], Харватыя
Рост	191 см
Вага	82 кг
Пазыцыя	задні абаронца
Клюбы
Гады	Клюб	Гульні (галы)¹
2001—2007	Шыбэнік[d]	94 (2)
2007—2008	Дынама Заграб	32 (2)
2008—2010	Бэшыкташ	9 (0)
2008—2009	→ Дуйсбург	4 (0)
2009—2010	→ Штурм Грац	34 (1)
2010—2011	Штурм Грац	36 (2)
2011—2012	Айнтрахт Франкфурт	33 (1)
2012—2015	Дынама Масква	6 (0)
2013	→ ПАОК	18 (1)
2013—2015	→ Панатынаікос	57 (2)
2015—2017	Дынама Заграб	27 (0)
2017—2021	Анартосіс Фамагуста	104 (9)
2021	Шыбэнік[d]	21 (0)
2021—2022	Арыс Лімасол	31 (0)
Зборныя
2009—2016	Харватыя	29 (1)

Кар’ера

Клюбная

Гордан зьяўляецца выхаванцам футбольнага клюбу «Шыбэнік». Ва ўзросьце 16 гадоў дэбютаваў у асноўным складзе каманды супраць «Каменю» зь Інграду. Правёў сэзон 2005—2006 гадоў у другой харвацкай лізе, здолеў вывесьці каманду ў першую лігу й дзякуючы сваім выступам атрымаў мноства прапановаў ад харвацкіх клюбаў. Абраў у выніку ў зімовым міжсэзоньні «Дынама» з Загрэбу, у складзе якога адгуляў сэзон 2007—2008 гадоў.

У 2008 годзе быў выкуплены турэцкім клюбам «Бэшыкташ», але летам быў аддадзены ў арэнду нямецкаму «Дуйсбургу». Праз год зноўку перайшоў на правах арэнды, але ўжо ў аўстрыйскі «Штурм»^[4]. 8 чэрвеня 2010 году падпісаў трохгадовае пагадненьне аб выступе за клюб, сума ўгоды склала 400 тысячаў эўра. Паміж клюбамі было дасягнута пагадненьне, што ў выпадку датэрміновага разрыву кантракту 20% сумы пяройдуць да «Бэшыкташу»^[5]. 7 ліпеня 2011 году ён падпісаў кантракт зь нямецкім клюбам «Айнтрахт», такім чынам, скасаваўшы пагадненьне са «Штурмам». Сума ўгоды склала мільён эўра^[6].

10 ліпеня 2012 году склаў трохгадовы кантракт з маскоўскім «Дынама»^[7].

Міжнародная

14 лістапада 2009 году дэбютаваў у складзе нацыянальнай зборнай Харватыі, выйшаўшы на 59-й хвіліне замест Дарыё Срны ў матчы супраць зборнай Ліхтэнштайну^[8].

Дасягненьні

«Дынама» Загрэб:

• Чэмпіён Харватыі: 2008, 2016
• Уладальнік Кубка Харватыі: 2008, 2016

«Штурм»:

• Чэмпіён Аўстрыі: 2011
• Уладальнік Кубка Аўстрыі: 2010

«Панатынаікос»:

• Уладальнік Кубка Грэцыі: 2014

Асабістае жыцьцё

Ягоны бацька зьяўляецца аўстрыйцам паводле нацыянальнасьці, які ёсьць выхадцам са Славеніі^[9].