Грузінская пошта

«Грузінская пошта» — дзяржаўнае прадпрыемства Грузіі, заснаванае ў 1995 годзе.

«Грузінская пошта»
груз. საქართველოს ფოსტა
Тып	таварыства з абмежаванай адказнасьцю
Заснаваная	1995 (30 гадоў таму)
Заснавальнікі	Міністэрства транспарту і пошты Грузіі
Краіна	Грузія
Разьмяшчэньне	Тбілісі
Адрас	Прывакзальная плошча, д. 2[1]
Галіна	сфэра паслугаў
Паслугі	дастаўка лістоў і пасылак, грашовы перавод, аплата жыльлёвых паслугаў
Лік супрацоўнікаў	2700 (2023 год)
gpost.ge
«Грузінская пошта» у Вікісховішчы

На 2023 год налічвала 81 паштовае аддзяленьне і 2700 супрацоўнікаў. Уваходзіла ў Сусьветны паштовы саюз (Швайцарыя). Дастаўляла лісты і пасылкі ў больш як 190 краінаў. Ажыцьцяўляла грашовы перавод і аплату жыльлёвых паслугаў^[2].

Аддзяленьні

На 2023 год «Грузінская пошта» мела 81 аддзяленьне:

• 15 у Тбілісі;
• 3 у Кутаісі;
• 2 у Батумі;
• па адным у 61 паселішчы — Абаша, Адыгені, Азургеці, Амбралауры, Асьпіндза, Ахалкалакі, Ахалцыхэ, Ахмеце, Багдаці, Балнісі, Баржомі, Вані, Гардабані, Горы, Гурджаані, Дманісі, Душэці, Дэдаплісцкара, Зугдзідзі, Зэстафоні, Кабулеці, Карэлы, Касьпі, Кварэлі, Кеда, Лагадэхі, Ланчхуці, Лентэхі, Марнэулі, Мартвілі, Местыя, Мцхэта, Нінацмінда, Оні, Поці, Руставі, Сагарэджа, Самтрэдыя, Сачхерэ, Сігнагі, Стэпанцмінда, Сэнакі, Ткібулі, Тэлаві, Тэржола, Тэтры Цкара, Харагавулі, Хашуры, Хелвачавуры, Хобі, Хоні, Хуло, Цагеры, Цаленжыха, Цалка, Ціянэці, Цхалтуба, Чахатавуры, Чхароцку, Чыятура і Шуахеві^[3].