Дарагічынскі раён

Дарагі́чынскі раён (афіцыйная назва — Драгі́чынскі раён) — адміністрацыйна-тэрытарыяльная адзінка ў складзе Берасьцейскай вобласьці Беларусі. Дарагічынскі раён мяжуе з Кобрынскім, Бярозаўскім і Янаўскім раёнамі Берасьцейскай вобласьці, а таксама з Валынскай вобласьцю Ўкраіны.

Дарагічынскі раён
(Драгічынскі раён)
Герб
Агульныя зьвесткі
Краіна	Беларусь
Статус	раён Беларусі
Уваходзіць у	Берасьцейская вобласьць
Адміністрацыйны цэнтар	Дарагічын
Дата ўтварэньня	15 студзеня 1940
Кіраўнік	Аляксандар Дарашэнка[d][1]
Насельніцтва (2018)	36 433[2]
Шчыльнасьць	19,6 чал./км²
Плошча	1855,06[3] км²
Вышыня па-над узр. м.  · сярэдняя вышыня	148 м[4]
Месцазнаходжаньне Дарагічынскага раёну
Мэдыя-зьвесткі
Афіцыйны сайт
Дадатковыя мультымэдыйныя матэрыялы

Адміністрацыйна-тэрытарыяльна Дарагічынскі раён падзелены на 12 сельскіх саветаў: Антопальскі, Асавецкі, Безьдзескі, Брашэвіцкі, Вулькаўскі, Дарагічынскі, Закозельскі, Імянінскі, Немяржанскі, Папінскі, Радастаўскі, Хомскі сельскія саветы.

Гісторыя

У верасьні 2013 году Галоўчыцкі, Гутаўскі і Дзеткавіцкі сельсаветы раёну былі скасаваны, частка зямель і населеных пунктаў скасаваных сельсаветаў перайшлі да Дарагічынскага і Закозельскага сельсаветаў, астатняя частка зямель і населеных пунктаў скасаваных сельсаветаў увайшлі ў Антопальскі пасялковы савет, які адначасова быў ператвораны ў сельсавет^[5].

Насельніцтва

• XXI стагодзьдзе: 2009 год — 42 948 чал.^[6]; 2016 год — 37 522 чал.^[7]; 2017 год — 36 973 чал.^[8]; 2018 год — 36 433 чал.^[2]

Асобы

• Міхаіл Амельянчык (нар. 10.02.1940 у в. Заточча) — беларускі вучоны ў галіне агульнай гігены. Доктар мэдыцынскіх навук (1993), прафэсар (1995)
• Іван Данілаў (нар. 27.09.1924 у в. Ляжыткавічы) — беларускі вучоны ў галіне гематалёгіі і пераліваньня крыві
• Васіль Жарко (нар. у в. Лесьнікі) — міністар аховы здароўя Беларусі
• Уладзімер Здановіч (нар. у в. Застаўе) — дэпутат Палаты прадстаўнікоў Нацыянальнага сходу
• Анатоль Крэйдзіч (нар. у 1965 г. у в. Заверша) — беларускі празаік, журналіст
• Якаў Малайчук (нар. у в. Дзераўная) — беларускі харавы дырыгент
• Мікола Шэляговіч (нар. у в. Агдэмер) — стваральнік і ідэоляг руху за аўтаномію Палесься, адзін з рэдактараў пэрыёдыка «Збудінне» («Абуджэньне»)