Джо Коўл

Джозэф Джон «Джо» Коўл (па-ангельску: Joseph John «Joe» Cole; нар. 8 лістапада 1981 году, Лёндан, Ангельшчына) — былы ангельскі футбаліст, паўабаронца. Вядомы перш за ўсё дзякуючы выступам за «Чэлсі».

Джо Коўл
Пэрсанальная інфармацыя
Нарадзіўся	8 лістапада 1981(1981-11-08)[1][2] (43 гады) Лёндан, Вялікабрытанія
Рост	175 см
Вага	73 кг
Пазыцыя	флянгавы паўабаронца, паўабаронца
Клюбы
Гады	Клюб	Гульні (галы)¹
1998—2003	Ўэст Гэм Юнайтэд	126 (10)
2003—2010	Чэлсі	182 (28)
2010—2013	Лівэрпул	26 (3)
2011—2012	→ Ліль	32 (4)
2013—2014	Ўэст Гэм Юнайтэд	31 (5)
2014—2016	Астан Віла	12 (1)
2015—2016	→ Ковэнтры Сіці[d]	7 (1)
2016	Ковэнтры Сіці[d]	15 (1)
2016—2018	Тампа Бэй Раўдыс[d]	82 (20)
Зборныя
1997—1998	Ангельшчына (да 16)[d]	4 (0)
1999	Ангельшчына (да 18)[d]	5 (0)
2000—2003	Ангельшчына (да 21)[d]	8 (2)
2001—2010	Ангельшчына	56 (10)

Кар’ера

Клюбная

Джо нарадзіўся ў Лёндане 8 лістапада 1981 году. У 1999 годзе, зьяўляючыся юніёрам, заключыў свой першы кантракт з футбольным клюбам «Ўэст Гэм». У сэзоне 2002—2003 гадоў стаў капітанам гэтай каманды. 6 жніўня 2003 году Коўл падпісаў кантракт з «Чэлсі», які выклаў за гульца 6,6 млн фунтаў, пасьля таго як ён адхіліў новы кантракт ад «Ўэст Гэму»^[3]. Ягоны дэбют за «Чэлсі» прыпаў на 13 жніўня ў пераможным матчы Лігі чэмпіёнаў над славацкай «Жылінай» (2:0). Коўл скарыстаўся траўмамі Дэміена Дафа і Ар’ена Робэна, сташўы сталым гульцом каманды. У сэзоне 2004—2005 гадоў стаў чэмпіёнам Ангельшчыны.

Улетку 2010 году Коўл на правах вольнага агента пакінуў «Чэлсі»^[4]. Сам Коўл назваў прычыны, па якіх ён пакінуў клюб, палітычнымі і ніяк ня зьвязанымі ані з футболам, ані з заробкам^[5]. 19 ліпеня 2010 году гулец перайшоў у «Лівэрпул» на правах вольнага агента. У «Лівэрпулі» Коўл атрымаў футболку з нумарам «10». 16 верасьня 2010 году Джо забіў свой першы мяч у складзе «чырвоных» у матчы Лігі Эўропы ў браму румынскага «Сьцяўа». 1 студзеня 2011 году забіў свой першы гол за «Лівэрпул» ў Прэм’ер-лізе ў матчы супраць «Болтану», дзе мэрсісайдцы перамаглі 2:1.

31 жніўня 2011 году Коўл падпісаў гадавы кантракт арэнды з францускім «Лілем»^[6]. Пасьля чаго правёў сэзон у клюбе свайго юнацтва — «Ўэст Гэм». У 2014 годзе далучыўся да складу «Астан Вілы».

Міжнародная

Прымаў удзел у гульнях зборнай Ангельшчыны падчас Чэмпіянату сьвету ў 2002 і 2006 гадах і ў Эўра-2004.

Дасягненьні

«Чэлсі»:

• Чэмпіён Ангельшчыны (3): 2005, 2006, 2010
• Уладальнік Кубка Ангельшчыны (3): 2007, 2009, 2010
• Уладальнік Супэркубка Ангельшчыны (3): 2005, 2009
• Уладальнік Кубка Лігі Ангельшчыны (2): 2005, 2007
• Уладальнік званьня лепшага гульца «Чэлсі»: 2004