Джэймз Мілнэр

Джэймз Філіп Мілнэр (па-ангельску: James Philip Milner; нар. 4 студзеня 1986 году, Лідс, Ангельшчына) — ангельскі футбаліст, паўабаронца клюбу «Брайтан энд Гоўв Альбіён» і нацыянальнай зборнай Ангельшчыны.

Джэймз Мілнэр
Пэрсанальная інфармацыя
Нарадзіўся	4 студзеня 1986(1986-01-04)[1] (39 гадоў) Лідс, Заходні Ёркшыр, Ангельшчына, Вялікабрытанія
Рост	175 см
Вага	70 кг
Пазыцыя	паўабаронца, задні абаронца
Клюбная інфармацыя
Клюб	Брайтан энд Гоўв
Нумар	20
Клюбы
Гады	Клюб	Гульні (галы)¹
2002—2004	Лідс Юнайтэд	48 (5)
2003	→ Сўіндан Таўн[d]	6 (2)
2004—2008	Ньюкасл Юнайтэд	94 (6)
2005—2006	→ Астан Віла	27 (1)
2008—2010	Астан Віла	73 (11)
2010—2015	Манчэстэр Сіці	147 (13)
2015—2023	Лівэрпул	230 (19)
2023—4	Брайтан энд Гоўв	19 (0)
Зборныя
2001—2002	Ангельшчына (да 16)[d]	6 (5)
2002—2003	Ангельшчына (да 17)[d]	11 (8)
2003—2004	Ангельшчына (да 20)[d]	6 (4)
2003	Ангельшчына (да 19)[d]	1 (0)
2004—2009	Ангельшчына (да 21)[d]	46 (9)
2009—2016	Ангельшчына	61 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 25 траўня 2025.

Кар’ера

Раньнія гады

Да таго як трапіць у стан бірмінгэмскай каманды гуляў за клюбы «Лідс Юнайтэд», «Сўіндан Таўн» і «Ньюкасл Юнайтэд». У дзяцінстве Джэймз гуляў за каманду сваёй школы, а потым за аматарскія клюбы Раўдону й Горсфарту. У 1996 годзе маладым хлапцом прымыкае да юнацкай акадэміі «Лідсу Юнайтэд», клюбу за які заўзеў з малых часоў. У 2002 дэбютуе ў «Прэм’ер-Лізе» ва ўзросьце 16 гадоў, выйшаўшы на зьмену падчас гульні з «Ўэст Гэмам Юнайтэд».

У наступным годзе Джэймз быў адпраўлены ў арэнду ў «Сўіндан Таўн», каб набрацца вопыту выступленьня за першую каманду. Наступным клюбам футбаліста быў «Ньюкасл Юнайтэд», за які Мілнэр правёў каля 100 матчаў. Але пасьля вылету каманды з Прэм’ер-Лігі неўзабаве апынуўся ў «Астан Віле», за якую ўжо гуляў падчас сэзону 2005—2006 гадоў, знаходзячыся ў арэндзе.

«Манчэстэр Сіці»

17 жніўня 2010 году «Астан Віла» пагадзілася на зьдзелку з «Манчэстэр Сіці» на конт продажу Мілнэра ў залежнасьці ад вынікаў мэдычнага абсьледаваньня. Дамова, як паведамлялася, каштавала «Сіці» каля 24 млн фунтаў стэрлінгаў^[2], у тым ліку з абменам гульца Стывэнам Айрлэндам, які быў ацэнены ў 8 млн фунтаў стэрлінгаў^[3]. Мілнэр дэбютаваў у складзе «Манчэстэр Сіці» 23 жніўня 2010 году ў пераможным для ягонай каманды матч супраць «Лівэрпулу» (3:0), дзе ён аднойчы асыставаў свайму былому аднаклюбніку па «Астан Віле» Гэрэту Бэры^[4].

Міжнародная кар’ера

Пачынаючы з 16 гадоў Джэймз стала вызываецца ў склад зборных Ангельшчыны розных узростаў. Мае рэкорд па выступленьнях за зборную Ангельшчыны U-21, адгуляўшы за гэтую каманду 46 гульняў. Дэбютаваў за нацыянальную каманду ў жніўні 2009 году падчас матча супраць зборнай Нідэрляндаў.

Дасягненьні

«Манчэстэр Сіці»:

• Чэмпіён Ангельшчыны: 2012, 2014
• Уладальнік Кубка Ангельшчыны: 2011
• Уладальнік Кубка ангельскае лігі: 2014
• Уладальнік Супэркубка Ангельшчыны: 2012

«Лівэрпул»:

• Чэмпіён Ангельшчыны: 2020
• Уладальнік Кубка Ангельшчыны: 2022
• Уладальнік Кубка ангельскае лігі: 2022
• Уладальнік Супэркубка Ангельшчыны: 2022
• Пераможца Лігі чэмпіёнаў: 2019
• Уладальнік Супэркубка УЭФА: 2019
• Пераможца клюбнага чэмпіянату сьвету: 2019