Джэф Плат

Джэф Плат (па-ангельску: Geoff Platt; нарадзіўся 10 ліпеня 1985 году, Таронта, Канада) — колішні беларускі хакеіст канадзкага паходжаньня, нападнік. У сьнежні 2011 году пасьля пяці сэзонаў, праведзеных у складзе менскага «Дынама», атрымаў беларускае грамадзянства, што дало магчымасьць гуляць за нацыянальную зборную Беларусі^[1].

Джэф Плат
Рост	176 см
Вага	83 кг
Пазыцыя	нападнік
Кідок/Ловы	левы[d]
Грамадзянства	Канада Беларусь
Дата нараджэньня	10 ліпеня 1985 (40 гадоў)
Месца нараджэньня	Таронта, Канада
Выступаў за	Норт-Бэй Сэнтэніялз Сагіно Сьпірыт Эры Отэрз АС Боардўолк Б’юліс Сырак’юз Кранч Каламбус Блю Джэкетс Портлэнд Пайрэтс Анагайм Дакс Дынама Менск Ільвэс Лякаматыў Вэкшэ Лэйкерз ЦСКА Ёкерыт Аўтамабіліст Салават Юлаеў ЮІП Тапара
Нацыянальная зборная	Беларусь
Гульнявая кар’ера	2005—2023

Кар’ера

Клюбная

Джэф пачынаў гуляць у канадзкіх юніёрскіх лігах. У 2005 годзе склаў дамову з клюбам НЛХ «Каламбус Блю Джэкетс», за які правёў два сэзоны, паралельна гуляючы ў клюбе АХЛ «Сырак’юз Кранч». На сэзон 2007—2008 гадоў перайшоў у склад «Анагайм Дакс», аднак ня здолеў замацавацца ў складзе, правёўшы ў складзе «качак» толькі пяць матчаў.

Наступным клюбам нападніка стала беларуская каманда «Дынама», за якую Джэф выступаў з моманту стварэньня КХЛ. Аднак пасьля 13 праведзеных гульняў Плат перайшоў у «Ільвэс», які прадстаўляў фінскую СМ-Ліігу^[2], дзе правёў некаторы час. У 2009 годзе зноўку вярнуўся ў менскі клюб, дзе стаў адным зь лідэраў каманды. За шэсьць сэзонаў ён правёў 277 матчаў, у якіх атрымаў 181 пункт (95+86)^[3].

У 2014 годзе перайшоў у склад яраслаўскага «Лякаматыву», зь якім склаў кантракт да 2016 году^[3].

Міжнародная

Плат гуляў за юніёрскія зборныя Канады. У канцы 2011 году атрымаў беларускае грамадзянства. 2 кастрычніка 2013 году атрымаў афіцыйны дазвол ІІХФ гуляць за нацыянальную зборную Беларусі.

Дасягненьні

• Уладальнік Кубка Шпэнглера: 2009