Дзьмітры Барадзін

Дзьмі́тры Барадзі́н (нар. 19 ліпеня 1999 году) — беларускі футбаліст, паўабаронца жодзінскага «Тарпэда»-БелАЗ.

Дзьмітры Барадзін
Пэрсанальная інфармацыя
Нарадзіўся	19 ліпеня 1999(1999-07-19)[1] (26 гадоў) Гомель, Беларусь[2]
Рост	188 см[2]
Вага	78 кг[2]
Пазыцыя	нападнік, паўабаронца
Клюбная інфармацыя
Клюб	Тарпэда-БелАЗ
Нумар	18
Клюбы
Гады	Клюб	Гульні (галы)¹
2016—2018	Гомель	6 (0)
2018	→ Ворша	14 (3)
2018—2019	Смалявічы	34 (2)
2020—2022	Дынама Менск	8 (0)
2020	→ Іслач	6 (0)
2021	→ Чайка[d]	9 (0)
2021	→ Гомель	11 (0)
2022	Ардабасы	11 (3)
2023—2024	Кайсар	43 (9)
2025	Гомель	15 (1)
2025—4	Тарпэда-БелАЗ
Зборныя
2018—2020	Беларусь (да 21)	8 (0)

Кар’ера

Выхаванец клюбу «Гомлю», у 2015 годзе пачаў прыцягвацца да складу дублюючага складу. У пачатку 2016 году, пасьля вылету каманды ў Першую лігу, падпісаў прафэсійны кантракт з клюбам, у сэзоне 2016 году правёў 5 матчаў у Першай лізе. У 2017 годзе выступаў у асноўным за дубль «Гомлю», зрэдку прыцягваўся да асноўнага складу. Дэбютаваў у Найвышэйшай лізе 1 ліпеня 2017 году ў матчы супраць берасьцейскага «Дынама» (0:3), выйшаўшы на замену ў канцы сустрэчы.

У сакавіку 2018 году быў аддадзены ў арэнду клюбу «Ворша»^[3]. У ліпені 2018 году падпісаў кантракт з клюбам «Смалявічы»^[4]. У сэзоне 2019 году заставаўся асноўным гульцом і дапамог камандзе вярнуцца ў Найвышэйшую лігу. У студзені 2020 году склаў дамову зь менскім «Дынама»^[5], аднак на полі зьяўляўся зрэдку. У верасьні 2020 году быў аддадзены ў арэнду «Іслачы»^[6], дзе неўзабаве замацаваўся ў аснове. У сьнежні 2020 году па заканчэньні арэнды пакінуў «Іслач»^[7].

У студзені 2021 году падоўжыў кантракт зь менскім «Дынама» і быў аддадзены ў арэнду ў клюб «Чайка» з расейскай ФНЛ^[8], дзе звычайна заставаўся на лаве запасных або выходзіў на зьмену. У чэрвені 2021 году па заканчэньні арэнды вярнуўся ў «Дынама»^[9], а ў ліпені быў арандаваны «Гомлем»^[10], дзе часьцей стаў зьяўляцца ў стартавым складзе. У лістападзе 2021 году па заканчэньні арэнды пакінуў гомельскі клюб^[11].

У першай палове 2022 году выступаў за «Дынама», але на полі зьяўляўся зрэдку. У ліпені 2022 году паводле пагадненьня бакоў пакінуў сталічны клюб^[12] і неўзабаве далучыўся да казаскага «Ардабасы»^[13]. З пачатку 2023 году трэнаваўся з казаскім «Кайсарам» і ў выніку пачаў у складзе клюбу сэзон 2023 году^[14][15][16]. У студзені 2025 году стала вядома, што футбаліст вернецца ў «Гомель»^[17], але прабыў у табары гамельчукоў толькі паўгады^[18]. Улетку далучыўся да «Тарпэда»-БелАЗ^[19].

Дасягненьні

«Кайсар»:

• Уладальнік Кубка Казахстану: 2022

Статыстыка

Клюб	Сэзон	Чэмпіянат
		Дывізіён	Матчы	Галы
Гомель	2017	Найвышэйшая ліга	1	0
Ворша	2018	Першая ліга	14	3
Смалявічы		Найвышэйшая ліга	12	0