Дзьмітры Маркаў

Дзьмі́тры Ма́ркаў (па-ангельску: Dmitri Markov; нарадзіўся 14 сакавіка 1975) — легкаатлет, аўстралійскі скакун у вышыню, які нарадзіўся ў Віцебску (Беларусь), чэмпіён Эўропы і сьвету.

Дзьмітры Маркаў
Пэрсанальная інфармацыя
Нарадзіўся	14 сакавіка 1975(1975-03-14)[1][2] (50 гадоў) Віцебск, БССР, СССР
Грамадзянства	Аўстралія
Прафэсійная інфармацыя
Спэцыялізацыя	лёгкаатлет, скакун з шастом
Узнагароды і мэдалі Athletics Australia Hall of Fame[d] (2012)

Дзьмітры выйшаў са складу Беларускай атлетычнай асацыяцыі і адмовіўся спаборнічаць за Беларусь падчас чэмпіянату Эўропы па лёгкай атлетыцы ў 1998 годзе. Эвэнтуальна ён пераехаў у Аўстралію, а ў 1999 годзе атрымаў аўстралійскае грамадзянства. Пасьля гэтага ўсталяваў рэкорд Акіяніі, скакнуўшы на вышыню 5,95 м, а падчас чэмпіянату сьвету па лёгкай атлетыцы ў 2001 годзе ўсталяваў асабісты рэкорд 6,05 м (такім чынам, уваходзіць у дванаццатку атлетаў, якія калі-кольвек змаглі пераадолець 6-мэтровы бар’ер). На Алімпіядзе 2000 году заняў пятае месца.

Мае жонку Валянціну. Жыве і трэніруецца ў Адэлаідзе. Асабісты трэнэр: Андрэй Цівончык — беларускі легкаатлет, які таксама пакінуў Беларусь і ў 1994 годзе атрымаў нямецкае грамадзянства.

Дасягненьні

Год	Турніры	Месца	Вынік
1994	Чэмпіянат сьвету сярод юніёраў	Лісабон, Партугалія	2nd
1996	Чэмпіянат Эўропы ў закрытых памяшканьнях	Стакгольм, Швэцыя	1st
1999	Чэмпіянат сьвету 1999	Сэвільля, Гішпанія	2nd
	IAAF Гран-пры, фінал	Мюнхен, Нямеччына	3rd
2001	Чэмпіянат сьвету 2001	Эдмантан, Канада	1st
2003	IAAF фінал	Монтэ-Карлё, Манака	3rd