Дзьмітры Ціхаміраў

Дзьмі́тры Ціхамі́раў (нар. 21 красавіка 1999 году) — беларускі футбаліст, паўабаронца «Баранавічаў».

Дзьмітры Ціхаміраў
Пэрсанальная інфармацыя
Нарадзіўся	21 красавіка 1999(1999-04-21) (26 гадоў) Менск, Беларусь
Рост	182 см
Вага	73 кг[1]
Пазыцыя	нападнік, паўабаронца
Клюбная інфармацыя
Клюб	Лякаматыў Гомель
Нумар	23
Клюбы
Гады	Клюб	Гульні (галы)¹
2019—2020	Менск	2 (0)
2019	→ Нафтан	14 (3)
2020	→ Хваля	8 (0)
2020	Ворша	11 (5)
2022	Ворша	2 (0)
2023	Слонім-2017	15 (1)
2024	Ворша	28 (5)
2025	Баранавічы	13 (1)
2025—4	Лякаматыў Гомель

Кар’ера

Выхаванец клюбу «Менск». З 2017 году пачаў выступаць за клюбны дубль. У кастрычніку і лістападзе 2018 году гуляў таксама ў Юніёрскай лізе УЭФА. Да сэзону 2019 году рыхтаваўся разам з асноўнай камандай «Менску». 5 траўня 2019 году дэбютаваў у Найвышэйшай лізе, выйшаўшы на замену ў канцы матча супраць берасьцейскага «Дынама» (1:2).

У ліпені 2019 году далучыўся да наваполацкага «Нафтана»^[2], дзе чаргаваў выхады ў стартавым складзе і на замену. У студзені 2020 году пасьля вяртаньня з арэнды пачаў падрыхтоўку да сэзону ў складзе «Менску»^[3], аднак неўзабаве далучыўся да пінскай «Хвалі», якая ў лютым узяла нападніка ў арэнду^[4]. У складзе пінскай каманды звычайна выходзіў на замену. У жніўні 2020 году пакінуў «Хвалю»^[5] і неўзабаве стаў гульцом «Воршы»^[6]. Замацаваўся ў пачатковым складзе каманды, за паўгады забіў 5 галоў у Першай лізе. Па заканчэньні сэзону 2020 году пакінуў аршанскі клюб і выправіўся служыць у войску.

У пачатку 2022 году зноў далучыўся да «Воршы»^[7], аднак у красавіку атрымаў траўму і выбыў да сканчэньня сэзону. У жніўні 2023 году далучыўся да «Слоніма-2017»^[8]. У лютым 2024 году вярнуўся ў «Воршу»^[9], дзе быў гульцом ратацыі. 20 верасьня адзначыўся галявым дублем у браму петрыкаўскага «Шахцёра». У пачатку лютага 2025 году прыяднаўся да «Баранавічаў»^[10].