Дольск

Дольск (укр. Дольськ) — вёска ва Ўкраіне, на рацэ Прыпяці. Цэнтар сельскай рады Камень-Кашырскага раёну Валынскай вобласьці. Насельніцтва на 2001 год — 791 чалавек. Знаходзіцца за 17 ад Любяшова, каля граніцы зь Беларусяй, на аўтамабільнай дарозе Р14.

Дольск лац. Dolsk
укр. Дольськ
Дата заснаваньня:	1650
Краіна:	Украіна
Вобласьць:	Валынская
Раён:	Камень-Кашырскі
Плошча:	2828 км²
Вышыня:	142 м н. у. м.
Насельніцтва:	791 чал. (2001)
Часавы пас:	UTC+2
летні час:	UTC+3
Тэлефонны код:	3362
Паштовы індэкс:	44232
КОАТУУ:	0723184801
Нумарны знак:	AC, КС / 03
Геаграфічныя каардынаты:	51°53′35″ пн. ш. 25°31′2″ у. д.
Дольск на мапе Ўкраіны Дольск
Галерэя здымкаў у Вікісховішчы

Дольск або Стары Дольск — даўняе мястэчка гістарычнай Піншчыны (частка Берасьцейшчыны, на захадзе Палесься), старажытны замак Вялікага Княства Літоўскага, на этнічнай тэрыторыі беларусаў.

Гісторыя

Пінскія балоты паміж Дольскам і Мокрым, 13.10.1783 г.

Вялікае Княства Літоўскае

Упершыню Дольск упамінаецца ў XV ст. як мястэчка, цэнтар староства. У гэты час тут знаходзілася рэзыдэнцыя князёў Дольскіх, якія збудавалі ў паселішчы замак.

Згодна з адміністрацыйна-тэрытарыяльнай рэформай 1565—1566 гадоў Дольск увайшоў у склад Пінскага павету Берасьцейскага ваяводзтва. У XVII ст. празь мястэчка прайшоў гандлёвы тракт зь Літвы на Валынь і Падольле. Зь пераносам княскай рэзыдэнцыі ў Новы Дольск (Любяшоў), Стары Дольск пачаў занепадаць.

Пад уладай Расейскай імпэрыі

У выніку другога падзелу Рэчы Паспалітай (1793 год) Стары Дольск апынуўся ў складзе Расейскай імпэрыі, у Пінскім павеце Менскай губэрні. З 1843 году мястэчка знаходзілася ў валоданьні Палеалогаў.

За часамі Першай сусьветнай вайны ў 1915 годзе Дольск занялі войскі Нямецкай імпэрыі.

Найноўшы час

20 лістапада 1917 году абвяшчалася Ўкраінская Народная Рэспубліка з прэтэнзіяй на Пінскі павет, у тым ліку на Дольск. 25 сакавіка 1918 году згодна з Трэцяй Устаўной граматай гэтая тэрыторыя абвяшчалася часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі Пінскі павет увайшоў у склад Беларускай ССР^[1]. Згодна з Рыскай мірнай дамовай 1921 году Дольск апынуўся ў складзе міжваеннай Польскай Рэспублікі, у Пінскім павеце Палескага ваяводзтва.

У 1939 годзе ўлады СССР перадалі Дольск у склад УССР.

Насельніцтва

Дэмаграфія

• XIX стагодзьдзе: 1881 год — 173 чал.^[2]
• XXI стагодзьдзе: 2001 год — 791 чал.

Інфраструктура

У Дольску працуюць сярэдняя школа, фэльчарска-акушэрскі пункт, дом культуры, бібліятэка.

Турыстычная інфармацыя

Славутасьці

• Царква Покрыва Багародзіцы

Страчананя спадчына

• Замак (XV ст.)