Домінік Кубалік

До́мінік Ку́балік (па-чэску: Dominik Kubalík; нар. 21 жніўня 1995 году) — чэскі хакеіст, левы скрайні нападнік швайцарскага клюбу «Амбры-Піёта».

Домінік Кубалік
Рост	185 см[1] або 187 см[2]
Вага	80 кг
Пазыцыя	нападнік
Кідок/Ловы	левы[d]
Грамадзянства	Чэхія[2]
Дата нараджэньня	21 жніўня 1995(1995-08-21)[3] (30 гадоў)
Месца нараджэньня	Пльзень, Чэхія[3]
Клюб	Амбры-Піёта
Выступаў за	Шкода Садбэры Ўулвз Кітчэнэр Рэйнджарз Гаўлічкаў-Брод Амбры-Піёта Чыкага Блэкгокс Дэтройт Рэд Ўінгс Атава Сэнатарз
Драфт НХЛ	191, 2013 Лос-Анджэлес Кінгс
Гульнявая кар’ера	2012 — цяпер

Кар’ера

Кубалік пачаў займацца хакейнем у роднай Пльзені. За родны клюб «Шкода» гулец дэбютаваў у сэзоне 2011—2012 гадоў. У наступным сэзоне далучыўся да клюбу «Садбэры Ўулвз» з Хакейнай лігі Антарыё. Пасьля таго як у новым клюбе займеў статыстыку ў 34 пункты ў 67 матчах, гулец быў абраны клюбам «Лос-Анджэлес Кінгс» на драфце НХЛ у 7 раўндзе пад агульным нумарам 191. Пасьля драфту нападнік застаўся ў клюбе, але ў студзені 2014 году быў абменены ў «Кітчэнэр Рэйнджарз» на земляка Радка Факсу. Тым ня менш, ужо ў красавіку чэх вярнуўся ў родную «Шкоду»^[4]. Празь некалькі сэзонаў Кубалік перайшоў у швайцарскі клюб «Амбры-Піёта». Паводле вынікаў апошняга сэзону з клюбам хакеіст зарабіў 57 пунктаў за 50 гульняў у рэгулярным сэзоне, а таксама 6 пунктаў у 5 матчах плэй-оф. Такім чынам чэх стаўся самым каштоўным гульцом Нацыянальнай лігі Швайцарыі.

У студзені 2019 правы на гульца ў НХЛ перайшлі да «Чыкага Блэкгокс»^[5]. 29 траўня 2019 году спартовец склаў аднагадовы кантракт на 925 тысяч даляраў^[6]. Сваю першую шайбу чэх закінуў 10 кастрычніка таго ж году ў матчы супраць «Сан-Хасэ Шаркс»^[7]. 27 студзеня 2020 году хакеіст учыніў свой першы хет-трык у НХЛ, зрабіўшы ўнёсак у перамогу над «Тампа Бэй Лайтнінг». Пры гэтым усе тры шайбы Кубалік улучыў у трэцім пэрыядзе. У ліпені 2022 году ўжо як вольны агент склаў дзьвюхгадовую дамову з «Дэтройт Рэд Ўінгс» на 5 млн даляраў^[8]. Улетку 2023 году хакеіст быў часткай абмену з клюбам «Атава Сэнатарз», але пасьля сэзону 2023—2024 году сышоў з каманды. 4 верасьня 2024 году чэх прыяднаўся да швайцарскага клюбу «Амбры-Піёта». Паводле ўмоваў пагадненьня Кубалік мае мажлівасьць скасаваць кантрат да 15 сьнежня, калі атрымаў працу ў клюбе НХЛ^[9].