Дружня

Дру́жня (па-ўкраінску: Дру́жня) — сяло ў складзе Барадзянскай мястэчкавай тэрытарыяльнай грамады Бучанскага раёну Кіеўскай вобласьці Ўкраіны

Дружня лац. Družnia
укр. Дружня
Першыя згадкі:	1617 год
Краіна:	Украіна
Вобласьць:	Кіеўская
Раён:	Барадзянскі
Плошча:	39 км²
Вышыня:	148 м н. у. м.
Часавы пас:	UTC+2
летні час:	UTC+3
Тэлефонны код:	4577
Паштовы індэкс:	07807
КОАТУУ:	3221081001
Геаграфічныя каардынаты:	50°37′39″ пн. ш. 29°52′19″ у. д.
Дружня на мапе Ўкраіны Дружня
Галерэя здымкаў у Вікісховішчы

Гісторыя

Карона Каралеўства Польскага

Герб Ліс роду Івашэнцавічаў

21 красавіка 1625 году Крыштаф і Ганна зь Яловічаў Малінскіх Макаравічы Івашэнцавічы заставілі Аляксандру і Тэадоры Балычанцы Алексічам мястэчка Казятычы/Барадзянка, сёлы Дружня, Аляксандрава Воля, Загальцы Малыя або Качалы, Загальцы Вялікія за суму ў 19 650 злотых^[1]. Згодна з тарыфам падымнага падатку Кіеўскага ваяводзтва 1628 году, з 1 osiadłego дыму ў сяле Дружні пана Крыштафа Макаравіча, якое трымаў у заставе пан Аляксандар Алексіч, выбіралася тры злотых^[2].

У 1640 годзе Крыштаф Макаравіч прадаў Барадзянскі маёнтак Андрэю Драгаеўскаму. У транзакцыі вялося пра двор і мястэчка Казятычы альбо Барадзянка з фальваркам, сяло Дружня з дваром і фальваркам, сёлы Загальцы, Качалы, Пяскоўка, Аляксандравая Воля, Новая Грэбля з падданымі цяглымі й няцяглымі, з баярамі служылымі й путнымі, з агароднікамі й падсуседкамі, з усімі працамі, чыншамі ды інш./^[3].

Паводле тарыфу падымнага падатку Кіеўскага ваяводзтва, у 1683 годзе з 20 дымоў (×6 — каля 120 жыхароў) сяла Дружня пана Андрэя Драгаеўскага, харунжага люблінскага, выбіралася 5 злотых^[4].

Пад уладай Расейскай імпэрыі

Пасьля другога падзелу Рэчы Паспалітай (1793) Дружня апынулася ў Расейскай імпэрыі. З 1797 году мястэчка — у межах Кіеўскага павету Кіеўскай губэрні.

Найноўшы час

Адміністратыўная мапа Кіеўскай акругі УССР. 1925 г.

Мапа Барадзянскага раёну Кіеўскай акругі. 1925 г.

У 1925 годзе сяло Дружня — у складзе Барадзянскага раёну Кіеўскай акругі УССР.

Заўвагі