Дубрава (Луцкі сельсавет)

Дубра́ва^[1] — вёска ў Жлобінскім раёне Гомельскай вобласьці Беларусі. Уваходзіць у склад Луцкага сельсавету. Насельніцтва 9 чал. (2004). Знаходзіцца за 22 км на паўночны захад ад места Жлобін, за 8 км ад чыгуначнай станцыі Красны Бераг (лінія Бабруйск — Жлобін), за 115 км ад Гомелю.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дубрава.

Дубрава
Першыя згадкі:	XIX ст.
Вобласьць:	Гомельская
Раён:	Жлобінскі
Сельсавет:	Луцкі
Насельніцтва:	9 чал. (2004)
Часавы пас:	UTC+3
Геаграфічныя каардынаты:	53°0′21″ пн. ш. 29°51′32″ у. д.
Дубрава на мапе Беларусі Дубрава

На захадзе мэліярацыйны канал.

Гісторыя

Паводле пісьмовых крыніцаў вядомая з XIX стагодзьдзя як невялікі хутар у Лукаўскай воласьці Рагачоўскага павету Магілёўскай губэрні. У 1898 годзе пабудаваная драўляная царква.

У 1930 годзе жыхары ўступілі ў калгас. У часе Вялікай Айчыннай вайны акупанты спалілі 8 двароў, забілі 5 жыхароў. 9 жыхароў загінулі на фронце. Паводле перапісу 1959 году ў складзе саўгаса «Рактянскі» (цэнтар — вёска Рэкта).

Насельніцтва

• XIX стагодзьдзе: 1897 — 11 двароў, 67 жыхароў (паводле перапісу)
• XX стагодзьдзе: 1925 — 38 двароў; 1940 — 104 жыхары; 1959 — 87 жыхароў (паводле перапісу)
• XXI стагодзьдзе: 2004 — 5 гаспадарак, 9 жыхароў^[2]