Дынама Менск (гандбольны клюб)

Гандбо́льны клюб «Дына́ма Менск» — колішні беларускі гандбольны клюб зь Менску, які існаваў у 2008—2014 роках. Пяціразовы чэмпіён Беларусі, двухразовы пераможца Кубка Беларусі, чэмпіён Балтыйскай лігі (2009).

Дынама Менск
Поўная назва	Гандбольны клюб «Дынама Менск»
Кароткая назва	ГК «Дынама Менск»
Заснаваны	травень 2008
Расфармаваны	2014
Месцазнаходжаньне	Менск, Беларусь
Арэна	Палац спорту
Чэмпіянат	Чэмпіянат Беларусі па гандболе
2012—2013	1-е месца
Форма
Клюбныя колеры
Хатняя Выязная
Спасылкі
Афіцыйная бачына
(абнаўленьне: 10 кастрычніка 2014)

Гісторыя

Заснаваны ў траўні 2008 року. Клюб адразу ж перамог у чэмпіянаце Беларусі і ў Балтыйскай лізе, а ў кубку Беларусі дайшоў да фіналу.

У 2010 «Дынама» стала чэмпіёнам і ўладальнікам кубка Беларусі, выйграла 1-ы тур Міжнацыянальнае лігі, а таксама ўпершыню трапіла ў групавы этап Лігі чэмпіёнаў. Пасьля выступу ў Лізе чэмпіёнаў сэзону 2010/11 клюб быў прызнаны Эўрапейскай фэдэрацыяй гандболу найбольш прагрэсуючым праектам. Да гэтага моманту ніводны клюб у сьвеце не трапляў у Лігу чэмпіёнаў за тры гады свайго існаваньня.

Сэзон 2012/2013 стаў найпасьпяховейшым у гісторыі клюбу. «Дынама» пяты раз запар стала чэмпіёнам Беларусі, выйграла Кубак краіны, выйшла ў 1/8 фіналу Лігі чэмпіёнаў. Па сканчэньні сэзону галоўнага трэнэра ўкраінца Сяргея Бябешку замяніў славенец Барыс Дэніч.

У сэзоне 2013—2014 клюб быў расфармаваны з-за адсутнасьці фінансаваньня^[1][2]. На той момант ён таксама лідзіраваў у чэмпіянаце Беларусі.

Дасягненьні

Нацыянальныя

• Чэмпіён Беларусі: 2009, 2010, 2011, 2012, 2013
• Уладальнік Кубка Беларусі: 2010, 2013

Міжнародныя

• Чэмпіён Балтыйскай лігі: 2009